Lajme

Fillon dëshminë dëshmitari i 23-të në gjykimin ndaj Thaçit dhe të tjerëve

Autori: Gazeta inFokus 14:04 | 11 September 2023

Në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, në Dhomat e Specializuara të Kosovës (DhSK) në Hagë, ka filluar dëshminë dëshmitari i 23-të në këtë çështje (me kodin 03827).

Planifikohet që Zyrës së Prokurorit të Specializuar (ZPS) i nevojitet një orë e gjysmë, ndërsa ekipeve mbrojtëse 6-7 orë për ta marrë në pyetje këtë dëshmitar, raporton “Betimi për Drejtësi”.

Sipas gjykatësit Charles Smith, mbrojtësi i viktimave nuk ka pyetje të planifikuara për këtë dëshmitar.

-Advertisement-

Pas dhënies së betimit, me të nisur marrja në pyetje e tij, prokurorja speciale Deborah Mayer ka kërkuar që të kalohet në seancë private për të mbrojtur dëshmitarin.

Subscribe në YouTube: GAZETA INFOKUSI