Fokus

“Nuk ka ndodh me asnjë qeveri me u sulmu mediat si me qeverinë Kurti”- Alarmojnë Dakaj e Rexha për lirinë mediave

Autori: Gazeta inFokus 21:24 | 03 May 2025

Kryetari i AGK-së, Xhemajl Rexha, i ftuar në  “Podcast me Shkelzen Dakaj” në Infokus, ka thënë se nuk ka ndodh me asnjë qeveri me u sulmu mediat si me qeverinë Kurti, shkruan Gazeta Infokus.

Ai u shpreh se ka qenë një strategji e mirë menduar që nga fillimi, dhe se mediat kanë mbetur opozita e vetme që mund ti sfidojë për vendimet që ata marri nese qeverisin.

“Ka qenë strategji e mirë e menduar mirë që nga fillimi, edhe për arsyen që besojnë që opozita është e kaq e dobët ose e deligjitimizuar për shkak që qka kanë bërë derisa kanë qenë në pushtet, e që në fakt mediat kanë mbetur opozita e vetme që mund ti sfidojë, e ti vëjë në pikëpytje në mënyren se si vendimet ata i marrin ose ata qeverisin. Dhe sulmi ka qenë drejuar ndaj mediave pra I organizuar për ti dehumanizuar gazetarët për ti bërë ata të pavlefshëm në sy të qytetarëve me emër e mbiemër, me sulme ndaj mediave të caktuar, aktivistëve të shoqërisë civile.”, ka theksuar Rexha.

-Advertisement-

Po ashtu Rexha shtoi se sulmet ndaj gazetarëve janë kudo sepse e din që japin mendim të lirë ose e kritikojnë qeverinë për të përmirsuar dicka.

“Sulmet nuk janë vetëm kundrejt gazetarëve janë kudo edhe që I mbron gazetarët ose mediat ose e jep një mendim të lirë ose e kritikon qeverinë. Edhe nëse i kritikojnë është për të përmirësuar dicka nëse ka, që në fund të ditës të shërbejë dhe në të mirë të qytetarëve sepse këta e dinë fuqinë e mediave, sepse e kanë përdorur edhe pse ka qenë interes i dyanshëm… e dinë që mediat e kanë detyrën të informojë.”, është shprehur Rexha në  “Podcast me Shkelzen Dakaj” në Infokus.

Ndryshe Kosova ka rënë për gjithsej 43 vende gjatë dy vjetëve të fundit në indeksin vjetor për lirinë e shtypit të organizatës Reporterët pa Kufij, duke u renditur tashmë në vendin e 99-të në botë nga 180 shtete.

Kjo është rënia më e madhe që Kosova ka pësuar në 15 vjetët e fundit, dhe ajo aktualisht është e renditur më keq se çdo shtet tjetër i Ballkanit Perëndimor dhe Bashkimit Evropian./Gazeta Infokus/

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

fokus