Lajme

Fatmir Sejdiu anëtarëve të LDK-së: Si e lejuat udhëheqjen me Isa Mustafën?

Autori: Gazeta inFokus 21:13 | 24 February 2021

Ish-presidenti i Kosovës, Fatmir Sejdiu ka thënë se e ka paralajmëruar rënien e LDK-së prej vitit 2010. Ai thotë se është i dëshpëruar me qëndrimet e strukturave tërë këtë kohë.

Sejdiu ka qenë ish-kryetar i LDK-së derisa ishte detyruar të lëshojë këtë pozitë pasi shkeli Kushtetutën kur e mbajti këtë post si dhe atë të presidentit të Kosovës.

Sejdiu ka goditur Mustafën duke e konsideruar si shkaktar që LDK ka marrë rreth 13% në zgjedhje në nivel vendi, që është rezultati më i keq në histori të këtij subjekti.

-Advertisement-

“Trendet e stagnimit e LDK-së i kam paralajmëruar në zgjedhjet e pas vitit 2010. Interesant është gara për kreun e Prishtinës. Dihet se si ishte zgjedhur kryetari me ndërskamca dhe në mënyrë aspak jodemokratike. Ai kishte paralajmëruar se do ta fitonte Prishtinën me duar në xhepa dhe e kisha paralajmëruar se nuk do të ndodhte nëse ai do të vazhdonte të udhëhiqte në atë mënyrë. Është paralajmëruar kjo. Jam i befasuar se si shumica e anëtarëve e kanë lejuar të vijë deri këtu dhe të lejohet ajo udhëheqje”, tha ai në Pressing.

Isa Mustafa dha dorëheqje nga posti i kryetarit të LDK-së pas zgjedhjeve që u mbajtën më 14 shkurt.

Subscribe në YouTube: GAZETA INFOKUSI
Shijoni eksperiencën e re të blerjes në Meridian Express x EXFIS!

Të tjera

Fokusi

lajme