“Evropë, ç’faj të kanë fëmijët tanë”: Mijëra serbë të prirë nga Rakiqi e Simiqi protestojnë në Shtërpcë
Autori: Gazeta inFokus 12:51 | 08 January 2023
Mijëra njerëz duket se janë mbledhur sot në Shtërpcë për të shprehur protestën e tyre ndaj plagosjes së Stefanit 11 vjeçar dhe Milloshit 21 vjeçar nga një ushtar i FSK-së në rrethana ende të pasqaruara. Çka po thonë ata?
Kjo protestë është organizuar nga kryesorët e Listës Serbe, përfshirë Dalibor Jevtiqin.
Kosovo-Online thotë që në Shtërpcë kanë mbërritur edhe serbë nga pjesë tjera të Republikës së Kosovës.
Qytetarët e mbledhur mbajnë pankarta me mbishkrimet “Kurti, fëmijët nuk jua falim!”, “Stefan, zemra e Serbisë – Hero”, “Gjuajtja ndaj Stefanit e Milloshit është plumb në zemër të Serbisë!”, “Evropë, çfarë faji të kanë fëmijët tanë?!” – thanë ata.
Në këtë protestë shihen edhe liderët e Listës Serbe si Goran Rakiq, kryetari i partisë por edhe Sllavko Simiqi.
Goran Rakiq tha mes tjerash se “serbët janë bashkuar prej plagëve të dy të rinjve, Stefanit dhe Milloshit”. Por, ai pati akuza e fjalë të papranueshme edhe ndaj ish shefit të tij, kryeministrit Albin Kurti.
“Terrori i regjimit diktatorial të Albin Kurtit vazhdon,” – tha ai mes tjerash në fjalimin e tij.
Në afërsi janë parë disa patrulla të Policisë së Kosovës dhe të KFOR-it.
Ndërkohë, kundër Listës Serbe një protestë është thirrur në të njëjtën kohë në Mitrovicë të Veriut. Këta protestues tjerë të prirë nga Nebojsha Joviq e kanë akuzuar presidentin serb Vuçiq për “tradhti të lartë” dhe kanë akuzuar politikanët e Listës Serbe – mes tjerash – edhe për “shantazh, kërcënime e torturë”.
Në anën tjetër, seanca gjyqësore ndaj Azem Kurtajt është mbajtur pak më herët dhe vendimi i Gjykatës pritet të jepet pas pak.
Prokuroria ka kërkuar paraburgim prej 30 ditësh për Kurtajn, ndërkohë që avokati i tij ka thënë që ai kishte shtënë aksidentalisht në drejtim të dy të rinjve serbë. Sipas avokatit Naim Fetahu, Kurtaj as që e kishte ditur se mund të kishte lënduar dikë nga ngjarja e ndodhur në Shtërpcë.
E gjithë kjo ka ndodhur më 6 janar dhe Serbia menjëherë ka provuar që ta politizojë duke thënë se rasti kishte qenë i motivuar etnikisht.
Këtë rast e kishin dënuar ashpër edhe krerët institucionalë të Kosovës, përfshirë kryeministrin Albin Kurti dhe presidenten Vjosa Osmani.
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...