Lajme

Europol: Armët nga luftërat ballkanike, ende sot përdoren nga grupet kriminale

Autori: Gazeta inFokus 10:27 | 30 May 2022

Autoriteti europian i policisë, Europol ka ngritur si shqetësimin se furnizimet me armë nga BE drejt Ukrainës në plan afatgjatë mund të bien në duar të gabuara.

Shefja e Europol, Catherine De Bolle ka deklaruar se duhet të shmanget situata e para 30 viteve në Ballkan. Sipas saj, Europol planifikon që të krijojë një grup ndërkombëtar, që të zhvillojë strategji për të vepruar në këtë situatë si ajo e luftës në Ukrainë.

Sipas saj, janë evidentuar aktivitete të fshehta lëvizjeje mes Ukrainës dhe BE të personave të njohur terroristë, ekstremistë dhe të gatshëm për dhunë.

-Advertisement-

“Një kohë lufta do të marrë fund. Ne duam që të pengojmë një situatë si para 30 vjetësh në luftën e Ballkanit. Armët nga kjo luftë ende edhe sot përdoren nga grupet kriminale”, tha De Bolle në intervistë me gazetën gjermane “Welt am Sonntag”.

Subscribe në YouTube: GAZETA INFOKUSI
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Të tjera

Fokusi

lajme