Rozë

Elton Ilirjani i ofron ndihmë Parashqevi Simakut: Diva e muzikës shqiptare do të strehohet në zemër të Manhatanit

Autori: Gazeta inFokus 14:22 | 16 December 2024

Sipërmarrësi dhe modeli i njohur shqiptar, Elton Ilirjani, ka ndërmarrë një nismë humanitare për të ndihmuar Parashqevi Simakun, ikonën e muzikës shqiptare. Pas zhvendosjes në Shtetet e Bashkuara të Amerikës në vitet ’90, këngëtarja duket se ka përfunduar në kushte të vështira, madje edhe e pastrehë.

Në një video të shpërndarë në Instagram Story, Ilirjani tregon dhomën ku do të strehohet diva e muzikës shqiptare.

“Kjo do të jetë dhoma e divës tonë,” – dëgjohet të thotë Ilirjani, duke zbuluar se ambienti ndodhet në zemër të Manhatanit.

-Advertisement-

Ai ka ndarë gjithashtu një video nga takimi me këngëtaren, duke siguruar ndjekësit se ajo është mirë dhe ka plane të rikthehet në muzikë.

Gjendja e rënduar e Parashqevi Simakut trondit publikun
Ditët e fundit, opinionin publik shqiptar e ka tronditur një video e shpërndarë në rrjetet sociale, ku shihej Parashqevi Simaku duke pranuar ndihma për të pastrehët. Pamjet e saj, dikur një yll dhe idhull i shqiptarëve në periudhën para rënies së diktaturës, kanë ngjallur trishtim dhe shqetësim për gjendjen e saj shëndetësore dhe emocionale.

Të shumtë janë ata që kanë kërkuar që shteti shqiptar t’i akordojë një pension të posaçëm, si mirënjohje për kontributin e saj në muzikë.

Në një intervistë për News24, gazetari Robert Papa ka ndarë detaje tronditëse mbi jetën e këngëtares.

“Simaku po përjeton një krizë të rëndë. Nuk ka të drejtë të takojë djalin e saj, të cilin ia kanë marrë me vendim gjykate,” – tha Papa.

Ai shtoi:

“Më vjen keq për ato pamje që pashë në Facebook. Nuk bëhet fjalë vetëm për një ish-këngëtare, por për çdo shqiptar që kalon momente të vështira larg vendit të tij.”

Kjo situatë ka ngritur pikëpyetje të shumta, ndërsa mbështetja e Elton Ilirjanit është përshëndetur si një akt human dhe solidar.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

roze

Ky website përdor cookies. Duke vazhduar përdorimin, ju pranoni përdorimin e tyre.

Privacy policy