Eksperti i OSHP-së i konfirmon shkeljet, kërkon anulimin tenderit për renovimin e stadiumit të Gjilanit
![](https://gazetainfokus.com/wp-content/uploads/2024/07/444928342_1027563935395129_9158149144791518617_n.jpg)
Autori: Gazeta inFokus
17:12 | 17 July 2024
Eksperti i Organit Shqyrtues të Prokurimit ka remomanduar që të anulohet plotësisht tenderi për renovimin e stadiumit të Gjilanit.
Kjo për shkak se në ekspertizën e siguruar nga Gazeta Infokus, është theksuar fakti që tenderi iu dha një grupi të operatorëve që ofertuan me çmimin më të shtrenjtë.
“Sqarojmë se oferta ankuese ka një çmim më të lirë në total në raport me ofertën e rekomanduar për kontratë prej 1.723.088€”, theksohet në raport.
Gazeta Infokus ka raportuar në vazhdimësi për parregullësitë në lidhje me tenderin për renovimin e stadiumit të Gjilanit.
Komuna e Gjilanit në krye me Alban Hysenin me 31 maj i ka dhënë tenderin për renovimin e stadiumit të Gjilanit grupit të operatorëve ekonomikë që ofruan ofertën më të shtrenjtë.
Kjo sipas dokumentit që ka siguruar Gazeta Infokus me të cilin Komuna i është drejtuar konzorciumit me letrën standarde për tenderuesin e suksesshëm.
Për afro 2 milionë euro më shtrenjtë se sa kishte ofertuar grupi më i lirë në listën e tre konzerciumeve apo 1 milionë e 720 mijë euro.
Gazeta Infokus kishte raportuar ekskluzivisht një muaj më parë për “Procesverbalin e hapjes së tenderit” me ofertat e të tre kompanive, ku konzerciumi i lartëcekur ishte i fundit në listë me ofertën me çmimin më të lartë konkretisht
Çmimi më i ulët që i ishte ofruar komunës së udhëhequr nga Hyseni ishte 13 milionë e 274 euro.
E megjithatë komuna në letrën për tenderuesin më të sukseshëm shkruan se grupi i operatorëve ekonomikë që zgjodhën kishin ofertuar çmimin më të ulët.
“Kemi kënaqesinë të ju njoftojmë se ju keni dorëzuar [tenderin me çmimin më te ulët] si përgiigje ndaj [njoftimit të kontratës] për aktivitetin e prokurimit të lartëcekur. Juve ju është dhënë kontrata me çmimin e ofertuar dhe sipas kushteve të saktësuara në tenderin tuaj dhe në pajtim me afatet dhe kushtet të cilat kanë qenë të specifikuara në Njoftimin për Kontratë dhe në dokumentet të cilat e përbëjnë dosjen e tenderit. Çmimi i cili është ofertuar 14,997.804.00 euro”, thuhet në letrën standarde për tenderuesin e sukseshëm.
Ky projekt për vite të tëra mbeti pa u nisur. E premtimin për përfundimin e stadiumit e dha edhe kryetari i Gjilanit nga Vetevëndosje, Alban Hyseni në bashkëpunim me Ministrinë e Kulturës, Rinisë dhe Sportit në krye me Hajrullah Çekun.
Çeku kishte deklaruar se kanë ndarë edhe 15 milionë euro për renovimin e stadiumit duke qenë se sipas tij me problemet e mëdha që kishte në këtë tender që nuk përfundoi asnjëherë, problemi do të vazhdonte deri në viti 2054.
Mirëpo edhe këta të fundit nuk kaluan pa probleme. Në janar të këtij viti kur edhe pritej të kryhej procedura e prokurimit tenderi për renovimin e stadiumit u pezullua.
Ky vendim u mor pas kërkesës për ri-shqyrtim të tenderit të parashtruar nga Operatori Ekonomik Bardhi Ndërtim SH.P.K. Kompani kjo nën pronësinë e biznesmenit, Bardhyl Zuka. /Gazeta Infokus/
Fituese u shpall kompania më e shtrenjtë, pezullohet tenderi për renovimin e stadiumit të Gjilanit
![](https://gazetainfokus.com/wp-content/uploads/2024/01/comodita-gjermani-frankfurt-181.jpeg)
Të tjera
-
Punëtorët teknikë dhe sigurimi fizikë i disa shkollave dhe i QMF-ve në Prishtinë hynë në grevë nga 3 shtatori
Punëtorët teknik dhe të sigurimit fizik të disa shkollave në kryeqytet, të të...
-
“Regjistrohet një koalicion parazgjedhur, dy parti njoftojnë se nuk marrin pjesë”, zëdhënësi i KQZ-së jep detaje
Deri të premten është afati për deklarimin e koalicioneve parazgjedhore për z...
-
“Teknikisht e pamundur që 360 mijë votues nga diaspora të votojnë në 35 përfaqësi diplomatike”
Eugen Cakolli nga KDI ka thënë se kanë nisur problemet e para me votimin jash...
-
Hidhet poshtë kërkesa e Shalës për të ndarë procesin gjyqësor nga Januzi dhe Bahtijari
Është hedhur poshtë kërkesa e mbrojtjes së Haxhi Shalës për të veçuar çështje...
-
Babai vrẹt tre fëmijët e tij në Turqi, ngjarja tronditë botën
Një baba (54) nga Smyrna afër Izmirit ka qëlluar sot katër fëmijët e tij dhe ...
-
“Kosova ka 161 mijë e 700 votues më shumë” – KQZ publikon listën përfundimtare
Komisioni Qendrore i Zgjedhjeve ka miratuar listën përfundimtare të votuesve ...
-
Përfundon dëshminë ish-ushtari i UÇK-së në rastin Thaçi dhe të tjerët
Dëshmitari i 81-të i cili mbanë kodin W04764 ka përfunduar dëshminë e tij në ...
-
Hoxhaj: Disfata e politikës së jashtme është e matshme, asnjë njohje për katër vjet
Nënkryetari i Kuvendit të Kosovës nga radhët e PDK-së, Enver Hoxhaj, ka thënë...
-
Ambasadori gjerman mëson të bëjë fli, publikon video të bukur nga Gjeravica
Ambasadori i Gjermanisë në Kosovë, Jorn Rohde, ka ndarë eksperiencën e tij në...
-
Vitia: Sigurimet Shëndetësore po bëhen, 3.5% nga punëtori e 3.5% nga punëdhënësi
Ministri i Shëndetësisë, Arben Vitia, ka thënë se miratimi i projektligjit pë...
-
Paga minimale u rrit, por prapë Kosova e fundit: Ja si qëndrojnë vendet e rajonit
Këtë të mërkure Qeveria e Kosovës ka miratuar propozimin që niveli i ri i pag...
-
Murati tregon se kur do të fillojë zbatimi për rritjen e pagës minimale në 350 euro
Ministri i Financave, Hekuran Murati tha në një konferencë për media pas mble...