Njeri ndër trajnerët më të mirë në futbollin e Kosovës, Bylbyl Sokoli, është rikthyer në stolin e Ferizajt dhe ka një mision, i cili është mbijetesa në Superligë, shkruan Gazeta inFokus.

Profa në një intervistë për Gazetën inFokus ka treguar arsyet e rikthimin në Ferizaj, gjendjen në të cilën e ka gjetur klubin, fillimin e përgatitjeve më vonesë, për përforcimet e reja, për vështirësitë e Ferizajt në luftën për mbijetesë, për ndeshjen më Feronikelin në Kupë dhe ka një mesazh për tifozët ferizajas.

Gazeta inFokus: Cilat ishin arsyet e rikthimit tuaj në Ferizaj?

Bylbyl Sokoli: Kam qenë edhe më herët në Ferizaj. Bisedat që kemi pasur më drejtuesit e ri të klubit kanë qenë që ta krijojmë në ekip për ta ardhmen, dhe më kanë shtyrë ta marr drejtimin e Ferizajt përsëri.

Gazeta inFokus: Në çfarë gjendje e ke gjetur skuadrën?

Bylbyl Sokoli: Janë larguar shumë futbollistë, por kemi grumbulluar për kohë të shkurtë disa prej futbollistëve që kanë qenë të lirë në këtë afat kalimtar dhe këtyre ju kemi bashkangjitur edhe disa junior dhe kemi filluar punën.

Gazeta inFokus: Sa mund të ndikoj negativisht fillimi i stërvitjeve më vonesë?

Bylbyl Sokoli: Ne nuk do të jemi të gatshëm, sepse më 6-8 stërvitje nuk mund të komponohet ekipi.

Gazeta inFokus: Keni udhëtuar në Durrës, sa do t’ju ndihmoj kjo fazë e vonshme përgatitore për stinorin pranveror?

Bylbyl Sokoli: Në Durrës jemi për shkak të kushteve dhe mundësisë më të mirë që të caktojmë përbërjen e parë për fillimin e kampionatit.

Gazeta inFokus: Sa i përket përforcimeve sa jeni i kënaqur?

Bylbyl Sokoli: Nuk kemi pas mundësi më i përzgjedhë. Jam i kënaqur më angazhimin e këtyre futbollistëve që po japin maksimumin në punë.

Gazeta inFokus: Ferizaj synon mbijetesën në Superligë, sa do të jetë e vështirë dhe cilat skuadra i sheh konkurrent për mbijetesë?

Bylbyl Sokoli: Mbijetesa do të jetë shumë e vështirë sepse kemi shumë pak kohë për përgatitje, në do te japim maksimumin por mbijetesa është mision shumë i vështirë për ne.

Gazeta inFokus: Në çerekfinale të Kupës do të takoheni më Feronikelin, sa beson qe mund të kaloni tutje?

Bylbyl Sokoli: Çfarë besimi duhet më pas më një ekip që ka gjithsejtë 8 stërvitje dhe më një kryesi të re?

Gazeta inFokus: Çka i premtoni tifozëve të Ferizajt?

Bylbyl Sokoli: Tifozëve ju premtoj së kemi më dhanë maksimumin në çdo ndeshje.

Kujtojmë se Ferizaj stinorin vjeshtor e mbylli në pozitën e 11-të më 15 pikë te tubuara./Gazeta inFokus/

Oferta ekstreme e majit – dyshek memory 100€ më lirë!

Sponsoruar