Pavarësisht grevës së kontrollorëve ajror, Presidenti, Hashim Thaçi dhe Kryeministri, Ramush Haradinaj kanë udhëtuar të premten për në Gjermani.

Ata kanë udhëtuar me aeroplanin privat të biznesmenit që mban edhe postin e Ministrit të Punëve të Jashtme, Behgjet Pacolli, përmes Aeroportit të Prishtinës “Adem Jashari”, shkruan gazeta inFokus.

Sipas kryetarit të Shoqatës Sindikale të Kontrollorëve të Trafikut Ajror, Artan Hasanit, krerëve të shtetit u ofrohen shërbime në Aeroportin e Prishtinës “Adem Jashari”, nëse udhëtimet bëhen në mënyrë zyrtare.

-Advertisement-

“Ne jemi të detyrum me dhanë shërbime për fluturime shtetërore. Ata kur e kanë mbush planin e fluturimeve e kanë mbush si plan fluturimi shtetëror dhe kjo vlen për Presidentin, Kryeministrin dhe Kryeparlamentarin, jo për deputetët. Ata kanë pas me fluturu në tjetër mënyrë, por më duket  nuk kanë rreziku edhe kanë shku me aeroplan të Pacolli. Për ndryshe aeroplanin komercial nuk munden me klasifiku si të tillë”, ka thënë Hasani për inFokus.

Përveç krerëve të shtetit, gjatë grevës, Kontrollorët e trafikut ajror ofrojnë shërbime edhe për KFOR-in dhe FSK-ën.

“Kjo bëhet për shkak se fluturimi shtetëror konsiderohet i rëndësishëm për shtetin, me rëndësi jetike. Ne edhe çdo fluturimi ushtarak i kemi ofru shërbime gjatë gjithë kohës. Nëse kish pas diçka prej FSK-ës gjithashtu kishim ofru shërbime” u shpreh Hasani.

Në kohën kur liderët e shtetit fluturuan për në Gjermani  Sindikata e Kontrollorëve të trafikut ajror ishte në grevë.

Këtë premte ata nuk punuan për tetë orë në shenjë pakënaqësie me pozitën e tyre në Ligjin për Paga, i cili është votuar me 2 shkurt në Kuvend.

Por greva e tyre nuk do të zgjat edhe ditëve në vazhdim.

Kryetari i sindikatës së punëtorëve të Kontrollit Ajror, Artan Hasani, për gazetën inFokus ka thënë se greva është pezulluar tashmë deri më 22 shkurt.

“Ne kemi vendos të pezullojmë grevën për ditën e nesërme dhe të hënën. Pezullimi i grevës do të vazhdoj deri të premten e ardhshme për shkak të kërkesave të bashkëatdhetarëve që të punojmë normalisht këto ditë pasi është festa e Pavarsisë”, ka thënë Hasani.

Ai theksoi se nga kjo periudhë e pezullimit të grevës, pret që institucionet e vendit të plotësojnë kërkesat e tyre.

Ndryshe, gjatë ditës së sotme u anuluan 8 fluturime por jo edhe ai i aeroplanit të Behxhet Pacollit, me të cilin fluturuan Hashim Thaçi e Ramush Haradinaj. /gazeta inFokus/

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-