Ekskluzive: Flet Aida Birinxhiku, 23 vjeçarja nga Kosova që po shkëlqen në fushatën e partisë Socialdemokrate në garë për deputete në parlamentin Suedez
Autori: H. Smajli 10:54 | 09 August 2022
Aida Birinxhiku është vetëm 23 vjeçare, por ka arritur të bëhet një emër i njohur në politikën suedeze. Pavarësisht moshës së re, ajo po shkëlqen në fushatën elektorale që po mbahet në Suedi, duke qenë një nga kandidatet në 5-shen e parë të partisë Socialdemokrate.
Nëse arrin të marrë besimin e elektoratit, e që gjasat e saj janë shumë të mëdha, Aida do të shënojë historinë duke u bërë kështu deputetja e parë shqiptare në parlamentin suedez, shkruan Gazeta Infokus.
Birinxhiku jeton dhe vepron në Halland, Falkenberg të Suedisë, dhe është kandidatja numër 3 në listën e partisë Socialdemokrate, duke i shtuar kështu gjasat që të jetë fituese dhe të përfaqësojë në Kuvend edhe komunitetin shqiptar në këtë shtet.
Në një intervistë ekskluzive për Gazetën Infokus, 23 vjeçarja, ka treguar më shumë se si familja e saj emigroi për në Suedi në vitet e 90ta.
“Prindërit e mi kanë emigruar në Suedi në vitin 1998. Babai im me profesion është doktor ndërsa nëna ime është edukatore. Unë jam mirënjohëse për çdo mundësi që më është dhënë për atë që Suedia i ka dhënë familjes time dhe familjeve të tjera shqiptare por besoj se Suedia mund të bëhet edhe më e mirë”, ka thënë ajo.
E pikërisht kjo është edhe arsyeja që e shtyu atë ti hyjë politikës qysh nga viti 2014, si dhe të kandidojë për deputete në zgjedhjet parlamentare që do të mbahen me 11 shtator të vitit 2022 në Suedi.
“Që Suedia mund të bëhet edhe më mirë kjo është edhe arsyeja pse unë u aktivizova në politikë qysh nga viti 2014. Unë fillova aktivizmin tim politik në shoqatën e të rinjve socialdemokrate në Halland, ku për një kohë isha edhe kryetare. Më pas u zgjodha në këshillin bashkiak në Falkenberg në vitin 2018. Ndërsa sot jam kandidate në zgjedhjet parlamentare në Suedi”.
Birinxhiku përveç që ka mundësinë të bëhet e para vajzë me rrënjë shqiptare në parlamentin Evropian, gjithashtu nëse arrin të marrë votat do bëhet edhe deputetja më e re në moshë në Suedi.
Ajo konsiderohet një yll në rritje në partinë e saj dhe vlerësohet shumë edhe nga kolegët e saj, shkruan Gazeta Infokus.
Derisa ajo tregon se cili është qëllimi i saj kryesor në politikë me të cilën merret tash e sa kohë e që do të vazhdojë edhe kur të zgjedhet deputete në Kuvendin e Suedisë.
“Fillova të merrem me politikë sepse dua ta ndryshoj shoqërinë për të mirë. Ndërsa zgjodha Partinë Socialdemokrate sepse dua të luftoj për një shoqëri ku të gjithë njerëzit mund të ndjejnë lirinë, sigurinë dhe besimin në të ardhmen. Edukimi për mua është shumë i rëndësishëm. Unë angazhohem që të gjithë fëmijët, qofshin ata të huaj, të pasur apo të varfër të kenë kushte të njëjta shkollimi. Është e rëndësishme që çdo fëmijë të ketë sukses në shkollë, e veçanërisht fëmijët që vijnë nga shtete të tjera në Suedi. Edukimi është një rrugëdalje nga kriminaliteti, tjetërsimi dhe varfëria”, ka shtuar ajo.
Mirëpo 23 vjeçarja po lufton edhe për ndryshime pozitive në shëndetësi e pensione më të larta në Suedi.
“Po ashtu me një angazhim të veçantë në politikë kam luftuar edhe do të vazhdoj ta bëj për shëndetësi më të mirë dhe pensione më të larta në Suedi. Unë kam qenë aktive në politikë qysh në moshë të re mirëpo natyrisht duke mos anashkaluar edhe studimet. Pas shkollës së mesme kam përfunduar studimet në Universitetin e Lundit, një nga programet më të vështira në Suedi”, ka thënë ajo.
Gjatë kohës sa ende ishte në studime, kosovarja 23 vjeçare ka punuar për një nga zyrat më të njohura të avokatëve në vendet nordike, në të drejtën e biznesit.
Natyrisht që ajo shkëlqeu edhe në studime duke i përfunduar ato gjysmë viti më herët se shokët e klasës, me nota shumë të larta. Tani ajo dëshiron të kalojë më shumë kohë në politikë në mënyrë që të arrijë ndryshimet që ajo do në shoqëri.
E nuk ka si të mungojë edhe mirënjohja për të gjithë mbështetjen që ka marrë nga komuniteti shqiptar në Suedi.
“Unë jam shumë mirënjohëse për të gjithë mbështetjen që kam marrë këtu nga komuniteti shqiptar dhe nga partia e saj. Unë jam krenare që Partia Socialdemokrate më ka zgjedhur mua, një grua të re me rrënë shqiptare si kandidate për deputete në parlamentin suedez”, ka shtuar, kandidatja për deputete.
Kështu e përfundon ajo deklaratën e saj.
“Unë do të vazhdoj aktivizimin tim politik dhe veprimtarinë time në mënyrë që të frymëzoje sa më shumë të rinj që të angazhohen në politikë”./Gazeta Infokus/
Të tjera
-
Në vitin 2030 pritet të përfundojë pastrimi i Kosovës nga minat e luf*tës
Nga 4,520 zona të rrezikshme nga minat në të gjithë Kosovën, pas luftës, tash...
-
Kurti dhe shefi i diplomacisë turke bisedojnë për projekte të përbashkëta
Krahas takimit dhe drekës së punës me Presidentin e Turqisë, Erdogan, bashkë ...
-
Haradinaj: Jemi këmbëngulës për ta bërë Kosovën anëtare të NATO-s
Kryetari i Alenacës për Ardhmërinë e Kosovës (AAK), Ramush Haradinaj, ka marr...
-
1 Qershori, dita pa makina në Tiranë
Për qytetarët e Tiranës e shtuna e 1 qershorit do jetë “Ditë pa makina”, ku q...
-
Kurti vizitoi dhe vendosi kurorë me lule në Mauzoleun e Mustafa Kemal Atatürkut
Pas takimit bilateral me Presidentin e Turqisë, Erdogan, kryeministri i Kosov...
-
Dronët Bayraktar testohen në Aeroportin e Gjakovës
Dronët Bayraktar janë testuar të premten në hapësirat e aeroportit të Gja...
-
Arrestohet një grua nga Vitia e arma*tosur në Prishtinë, dyshohej se mund ta lëndonte veten apo personat tjerë
Policia e Kosovës ka njoftuar se një tentimvrasje ka ndodhur sot në qytetin e...
-
Tentoi ta fuste telefonin në burg duke e fshehur në televizor
Qendra e Paraburgimit në Mitrovicë ka iniciuar procedurë disiplinore ndaj një...
-
Për pesë muaj shqiptohen afro 1800 gjoba ndaj konsumuesve të duh*anit në ambiente të mbyllura
Ministria e Shëndetësisë po vazhdon pa kompromis zbatimin e Ligjit për Kontro...
-
Lista Serbe: Vendimi i Qeverisë së Kosovës për shpronësime në veri, rrëmbim klasik i pronës serbe
Lista Serbe tha sot se vendimi i Qeverisë së Kosovës për shpronësimin e prona...
-
U prit me ceremoni ushtarake, Osmani falënderon shtetin e El Salvador për mikpritjen
Presidentja e Kosovës, Vjosa Osmani, ka falenderuar shtetin e El Salvador për...
-
Gërvalla takon mërgimtarët në Kanada, thotë se ata kanë një rol kyç në zhvillimin e Kosovës
Ministrja e Punëve të Jashtme, Donika Gërvalla ka vizituar mërgimtarët shqipt...