Lajme

Edhe Ukraina merr liberalizimin e vizave!

Autori: Gazeta inFokus 13:15 | 26 April 2017

Kosova edhe sot merr një  lajm për liberalizimin e vizave. Gjithesi ky lajm s’ka të bëjë me vet Prishtinën zyrtare as qytetarët e vendit sa me faktin që edhe një shtet aspirant sot ka marrë lajmin për hapin e madh për qytetarët e vet.

Kështu, agjensitë botërore të lajmeve bëjnë të ditur se Ambasadorët e 28 shteteve anëtare të Bashkimit Evropian kanë aprovuar heqjen e vizave për Ukrainën.

“Ambasadorët e shteteve anëtare të BE-së kanë aprovuar vendimin për të t’i dhënë Ukrainës të drejtën e lirisë së lëvizjes”, ka thënë burimi, raporojnë mediat europiane.  Sipas po të njëjtit burim, Këshilli i BE-së pritet të aprovojë vendimin më 11 maj, e më pas do të publikohet në buletinin zyrtar të BE-së dhe që hynë në fuqi 20 ditë më pas.

Presidenti ukrainas, Pyotr Poroshenko, tashmë ka thënë se vendimi i së mërkurës është historik.

Kujtojmë se më 18 dhjetor, 2015, Komisioni Evropian i kishte propozuar BE-së heqjen e vizave edhe për Kosovën, përpos Ukrainës e Gjeorgjisë. Shtetet anëtare të BE-së, më 27 shkurt të këtij viti, kishin aprovuar vendimin e KE-së për heqjen e vizave për qytetarët gjeorgjianë.

Ndërkaq, për Kosovën ende nuk është marrë një vendim i tillë pasi që si kusht i fundit mendohet të jetë ratifikimi në Kuvend të Kosovës i marrëveshjes për demarkacion të kufirit me Malin e Zi.

Etiketa:
Kush janë analistët e sigurisë së informacionit?

Të tjera

Fokusi

lajme