Lajme

Drecun: Kurti insistoi në Bruksel për marrëveshje finale me njohje reciproke

Autori: Gazeta inFokus 18:55 | 20 August 2022

Ende nuk kanë dalë shumë detaje nga bisedimet disa orëshe në Bruksel, por ajo që pretendohet nga Serbia është se Beogradi ka dalë me dy propozime dhe se Prishtina i ka refuzuar të dyja.

Siç pretendoi dje drejtori i të ashtuquajturës Zyrë për Kosovë në Qeverinë e Serbisë, Petar Petkoviq, i pari i referohej dokumenteve të hyrje-daljeve, ndërsa i dyti targave.

Kryetari i Komisionit për Kosovën në Kuvendin e Serbisë, Milovan Drecun ka thënë se pala kosovare ka insistuar në diskutime lidhur me marrëveshjen finale që në qendër do të kishte njohjen reciproke, transmeton Reporteri.net.

-Advertisement-

Kjo tha Drecun se është e papranueshme për Serbinë.

Madje Drecun thotë se edhe ambasadori amerikan në Serbi, Christopher Hill vlerësoi qëndrimin e palës serbe në dialog.

“Në anën tjetër, nuk ka pasur ndonjë vlerësim pozitiv për sjelljen e Prishtinës nga ambasadori Hill dhe mendoj se ky është një mesazh i mirë dhe se Serbia duhet të vazhdojë të punojë në të në periudhën e ardhshme, sepse kjo do të thotë që SHBA-të e kuptojnë thelbin e problemit, e kjo është sjellja e Kurtit, pra e palës prishtinase”, theksoi Drecun për RTS.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme