Lajme

Dosja Brezovica: Kjo është vepra penale për të cilën dyshohet asamblisti i LVV-së

Autori: Gazeta inFokus 10:40 | 21 September 2022

Në mesin e të arrestuarave në rastin Brezovica, është edhe asamblisti i VV-së, Berat Lahu.

Lajmin e ka konfirmuar edhe prokurori i rastit, Rasim Maloku.

Lahu që është edhe dhëndër i Liburn Aliut, po dyshohet për ushtrim ndikimi.

Atij i është bastisur edhe shtëpia dhe është arrestuar sot në orët e hershme të mëngjesit, ka konfirmuar Maloku për Paparacin.

“Po, është arrestuar [Berat Lahu]”, ka thënë Maloku.

Lahu është anëtar i grupit të asamblistëve të Lëvizjes Vetëvendosje në Kuvendin Komunal të Prishtinës. Ai është asamblisti më i votuar i Lëvizjes Vetëvendosje në Komunën e Prishtinës, sipas zgjedhjeve lokale të 14 tetorit, 2021.

Të tjera