Sport

Domgjoni dhe Toma nuk e kanë refuzuar Kosovën

Autori: Gazeta inFokus 19:51 | 22 February 2021

Gjatë ditës së hënë RTV Dukagjini raportoi se futbollistët me prejardhje nga Kosova, Toni Domgjoni dhe Bastien Toma kanë refuzuar t’i bashkohen kombëtares së Kosovës për ndeshjet e muajit mars, shkruan Gazeta inFokus.

Sipas mediumit në fjalë Domgjoni dhe Toma janë duke e pritur ftesën e kombëtares A të Zvicrës për takimet kualifikuese për Kampionatin Botëror 2022.

Mirëpo Gazeta inFokus nga burime të sigurta brenda federatës merr vesh se lojtari i Zurichit dhe Genkut nuk e kanë refuzuar kombëtaren e Kosovës. Të dy këta futbollistë akoma nuk i kanë dhënë asnjë përgjigjje zyrtarëve të FFK-së.

-Advertisement-

Federata vazhdon të mbajë kontakte me ta dhe në të ardhmen e afërt Toni Domgjoni dhe Bastien Toma pritet të jenë pjesë e Kosovës.

Domgjoni aktualisht është pjesë e Zurichut, ndërsa Toma luan për Genkun në Belgjikë.

Edhe Domgjoni edhe Toma kanë luajtur për kombëtaren U21 të Zvicrës, ndërsa e kanë lenë të hapur mundësinë që ti bashkohen Kosovës në rast se nuk marrin ftesë nga kombëtarja A zvicerane./Gazeta inFokus/

Subscribe në YouTube: GAZETA INFOKUSI