Fokus

“Do të ishte shqetësuese nëse zonja Mihali të thoshte ndale rrymën, nuk është shqetësuese kur kërkon të mos ketë reduktime”

Autori: Gazeta inFokus 19:14 | 15 October 2024

Deputetit të Lëvizjes Vetëvendosje, Enver Dugolli, i duket normal komunikimi mes koordinatores së komiteteve në Lëvizjen Vetëvendosje, Dejona Mihali, dhe ish-kryeshefit të Korporatës Energjetike të Kosovës, Nagip Krasniqi.

Dugolli në një intervistë për emisionin “Infotalks” në Gazeta Infokus, ka thënë se në gjithë bisedën nuk sheh asnjë lloj inkriminimi.

“Nga ato që kam pa nuk ka asnjë lloj inkriminimi. Edhe vet shpeshherë konsultohem me deputetë dhe të tjerë që kanë ide më të mirë, çka ka aty inkriminuese. Për mua do të ishte shqetësuese nëse zonja Mihali të thonte ndale rrymën, nuk është aspak shqetësuese kur kërkon secili, edhe ti edhe unë që të mos kemi reduktime”, ka theksuar Dugolli.

-Advertisement-

“Dorën në zemër nuk jam i sigurt a janë autentike dhe a janë të vërteta. Por, sidoqoftë edhe nga ato, po e zëmë edhe se janë të vërteta, por unë nuk jam i sigurt për një gjë të tillë”, ka thënë ai.

Gjithë këto publikime të mediave, si në rastin e Mihalit, e gjithashtu në atë të Mimoza Kusari Liës, Dugolli thotë se janë pjesë e një parafushate zgjedhore.

Tani jemi futë në këtë kohën e parafushatës dhe me çdo kusht po duan ta gërryejnë këtë procesin e përkrahjes për Vetëvendosjen. Prandaj, ky do të duhej të ishte shqetësimi kryesor, pra prokuroria me qëllim apo pa vigjilencë i rrjedhin dokumente që nuk do të duhej të ishin tani për tani për publikun sepse janë në hetim”, ka shtuar tutje Dugolli. /Gazeta Infokus/

Subscribe në YouTube: GAZETA INFOKUSI