Dështimi i Ri i Kadri Veselit dhe Fillimi i Ri i Albin Kurtit
Autori: Gazeta inFokus 10:59 | 12 June 2017
Shkruan: Lavdim Hamidi
“Fillimi i Ri” i Kadri Veselit në politikë rezultoi me debakël. Partia Demokratike e Kosovës nën drejtimin e tij ka marrë tatëpjetën, duke ia rrezikuar kështu pozitën e partisë më të madhe në vend, të cilën e ka mbajtur për hiç më pak se një dekadë.
Bazuar në rezultatet e zgjedhjeve parlamentare të 11 qershorit, PDK-ja si e vetme, pa i llogaritur votat e partnerëve të koalicionit (AAK, Nisma dhe 13 parti të tjera të vogla), me shumë gjasë nuk do të dilte partia më e votuar në vend, pasi që edhe ashtu diferenca me partinë e dytë, lëvizjen “Vetëvendosje”, e cila ka garuar e vetme në këto zgjedhje, është shumë e ngushtë.
Me moton e fushatës “Fillimi i Ri” Veseli u përpoq të shkëputet nga keqqeverisja afatgjate e PDK-së në nivel qendror dhe lokal, nga korrupsioni i lartë, që ishte rezultat i kësaj keqqeverisjeje, nga kurdisja e tenderëve dhe e konkurseve publike, por pa sukses.
Pa dyshim se votuesi kosovar ishte i vetëdijshëm se “Fillimi i Ri” në asnjë mënyrë nuk do të ndodhë me politikanë të vjetër e të dyshuar për korrupsion dhe se nuk do të mundë të ketë drejtësi e as “Fillim të Ri” pa i zbuluar vrasjet politike të pasluftës, ku shumëkush ende e drejton gishtin nga Shërbimi Informativ i Kosovës (SHIK-u), të cilin e ka drejtuar vetë Kadri Veseli.
Askush nuk i besoi një “Fillimi të Ri” të Ramush Haradinajt dhe Fatmir Limajt me PDK-në. Të dy këta politikanë u dëmtuan rëndë nga koalicioni parazgjedhor me partinë më të madhe në vend, ndonëse për vite me radhë e akuzonin kreun e saj (Kadri Veselin) dhe SHIK-un për montim të proceseve gjyqësore dhe kapjen e shtetit, siç thoshin, nga klani “Pronto”, prandaj si koalicion parazgjedhor i “Krahut të Luftës” humbën rreth 12 për qind të votave, krahasuar me zgjedhjet parlamentare të vitit 2014.
Votuesi nuk iu bind pohimeve se bashkimi i këtyre tre liderëve është bërë për interesa shtetërore, ashtu siç u tentua të kamuflohej fillimisht, pasi që u pa qartë se ky bashkim ishte vetëm për interesa personale e partiake.
***
Edhe Lidhja Demokratike e Kosovës (LDK) pa dyshim se nuk ka parë asnjë “ditë të bardhë” nën drejtimin e Isa Mustafës. Prejse Mustafa e ka marrë drejtimin e LDK-së, në nëntor të vitit 2010, kjo parti u godit në vazhdimësi në bastionet e saj.
Humbën komunën e Prishtinës në vitin 2013, të cilin e kanë qeverisur që nga paslufta, por u kënaqën nga koalicioni me PDK-në në vitin 2014, kur e morën drejtimin e Qeverisë.
Por, pikërisht ky koalicion i kushtoi shumë shtrenjtë Isa Mustafës dhe LDK-së, pasi që në zgjedhjet e parakohshme të 11 qershorit pësuan rezultatin më të dobët zgjedhor në historinë e këtij subjekti politik.
Nga vendi i parë apo i dytë që e mbanin për një kohë të gjatë në garën politike, LDK-ja ra në vendin e tretë, duke u mundur nga lëvizja “Vetëvendosje”, e cila është vetëm hera e tretë që merr pjesë në zgjedhjet parlamentare të Kosovës.
Nuk ishte i papritur ky rezultat për LDK-në në zgjedhjet e së dielës, kur elektorati i saj u zhgënjye rëndë nga koalicioni me PDK-në në vitin 2014, pavarësisht deklaratave të kreut të partisë se kurrë s’do të bënte koalicion me këtë subjekt politik dhe nga zgjedhja e Hashim Thaçit president të Kosovës në vitin 2016, etj.
Ndërsa ata deputetë të LDK-së që nuk e votuan Thaçin për president u lanë jashtë listave partiake zgjedhore ose u pozicionuan shumë keq, siç ishte rasti me deputeten më të votuar të LDK-së, Vjosa Osmanin, të cilës iu la vendi i 81-të në listën partiake për deputet për zgjedhjet e 11 qershorit.
***
Fituesi i vetëm moral i zgjedhjeve të parakohshme parlamentare të 11 qershorit është lëvizja “Vetëvendosje” dhe kandidati i saj për kryeministër Albin Kurti.
Nga pakënaqësia me liderët që qeverisën me vendin që nga paslufta, nga shkalla e lartë e korrupsionit, nga papunësia dhe varfëria e lartë, lëvizja “Vetëvendosje” arriti t’i dyfishojë votat në raport me zgjedhjet e fundit parlamentare të vitit 2014, derisa të gjitha partitë politike u ballafaquan me “rënie të lirë të votës”.
Vota për “Vetëvendosjen” në fakt ishte rezultat i zhgënjimit me dy blloqet tjera, të ashtuquajturin “Krahun e Luftës” dhe “Krahun e Paqes”, të cilët nuk treguan konsistencë në qëndrimet e tyre politike, duke shkelur “vijat e kuqe” sa herë që hynte në kombinim posti i kryeministrit. Dhe ky post me gjasë po u fshihet me “vijë të kuqe” të gjithë atyre që i shkelën vijat e tilla.
Të tjera
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...
-
Sot mbahet ceremonia përmbyllëse e garës ndërkombëtare “Ushtari më i mirë 2024”
Të premten, me datë do të 26 mbahet ceremonia përmbyllëse të garës ndërkombët...