Lajme

Deputeti ukrainas uron Kosovën: Do të bëj gjithçka që Ukraina ta njohë pavarësinë

Autori: Gazeta inFokus 15:06 | 17 February 2023

Deputeti i Ukrainës, Oleksiy Goncharenko, që u bë promovuesi i pavarësisë së Kosovës në vendin e tij, sot ka uruar kosovarët për ditën e tyre.

Ai tha se Ukraina është ende në rrugën për ta njohur pavarësinë e Kosovës, por se do të bëjë gjithçka mundet për ta bërë të mundshme këtë.

“Ju keni një vend të mrekullueshëm dhe njerëz të mrekullueshëm! Ukraina është ende në rrugën e njohjes së pavarësisë së Kosovës, por unë po bëj gjithçka që kam në dorë për ta afruar këtë moment”, ka shkruar ai në Twitter.

-Advertisement-

Goncharenko kishte filluar edhe një peticion për njohjen e pavarësisë së Kosovës në Ukrainë.

Një deklaratë shpresëdhënëse për këtë çështje sot e ka bërë ambasadori ukrainas në Tiranë, i cili nga Korça tha se pasi të fitojnë luftën me Rusinë, njohja e pavarësisë së Kosovës do të jetë hapi i dytë.

Volodymyr Shukrov u shpreh se sot Ukraina është në zjarrin e luftës, ndaj fillimisht duhet të fitojnë këtë luftë më pas do të shikojnë edhe çështje të tjera.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme