Lajme

Deputeti i Vetëvendosjes: Ivanoviqi ishte kriminel, pikë

Autori: Gazeta inFokus 15:01 | 18 January 2023

Përzgjedhja e fjalëve të kryeministri i Kosovës, Albin Kurti për politikanin serb, Oliver Ivanoviq në pesë vjetorin e vdekjes së tij, kanë nxitur reagime të shumta në vend.

Së fundi, për këtë çështje ka reaguar deputeti i Vetëvendosjes, Visar Korenica.

Ky i fundit ka shkruar në Facebook se Ivanoviqi është kriminel.

-Advertisement-

“Organizoi vrasjen e shqiptarëve, ushtroi terror ndaj tyre dhe dëbimin e tyre nga trojet tona.

Dënimi i tij jo merritor për 9 vjet nga EULEX-i dëshmoi për krimet e tij makabre ndaj shqiptarëve.

Ivanoviç ishte kriminel. Pikë.

Natyrisht nuk iu përshtat Vucicit dhe për këtë e eliminoi”, ka shkruar Korenica.

Në një video mesazh në pesë vjetorin e vrasjes së tij, Kurti e përkujtoi Ivanoviqin si “një person i përkushtuar për të luftuar për interesat e komunitetit dhe qytetit të tij në Mitrovicë ndërsa këtë e ka bërë duke qenë i hapur, i sinqertë, gjithmonë i mprehtë në çështjet me rëndësi, por edhe i respektueshëm edhe ndaj atyre me të cilët nuk ishte dakord”.

Kurti tha se vrasja e Ivanoviqit ndikoi në gjithë shoqërinë ngase ky krim vrau jo vetëm Ivanoviqin, por edhe pluralizmin politik te serbët në Kosovë.

Subscribe në YouTube: GAZETA INFOKUSI