Lajme

Pas një mosmarrëveshje, djali kërcënon babanë- ia lë dy fishekë në dhomë

Autori: Gazeta inFokus 10:14 | 04 May 2025

Policia e rajonit të Ferizajt ka njoftuar se dje stacioni policor në Han të Elezit kanë pranuar informacione për një incident në rrugën “Dëshmorët e Kombit”.

Babai ka raportuar se djali i tij 25 vjeçar, pas një mosmarrëveshje, ia ka lënë dy fishekë në dhomën e tij.

“Më datë 03.05.2025, rreth orës 19:10, stacioni policor në Han të Elezit ka pranuar një informacion për një incident të ndodhur në rrugën “Dëshmorët e Kombit” në Han të Elezit. Njësia patrulluese ka reaguar menjëherë dhe pas kontaktit me ankuesin është informuar se i dyshuari, djali i tij 25-vjeçar, për shkak të një mosmarrëveshje kishte lënë dy fishekë në dhomën e tij. Në vijim të hetimeve dhe me autorizim të prokurorit, është realizuar bastisja e shtëpisë. Gjatë kontrollit në dhomën e ankuesit janë gjetur dhe sekuestruar si prova materiale: – 2 armë zjarri (pistoleta), – 46 fishekë, – 1 thikë.”

-Advertisement-

I dyshuari është ndaluar për 48 orë, ndërsa ndaj babait është iniciuar rasti “Mbajtje në kontroll, posedim në pronësi të paautorizuar të armës”.

“Me vendim të prokurorit të shtetit, ndaj personit të dyshuar, mashkull, 25 vjeç, është iniciuar rasti “Kanosje” dhe është ndaluar në mbajtje për 48 orë. Ndërkohë, ndaj ankuesit, mashkull, 85 vjeç, është iniciuar rasti “Mbajtje në kontroll, posedim në pronësi të paautorizuar të armës” dhe ai është liruar në procedurë të rregullt. Policia Rajonale e Ferizajt mbetet e përkushtuar për garantimin e sigurisë dhe parandalimin e veprave penale.”

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme