Sport

Deklarata e Zinedine Zidanes pas eliminimit nga Superkupa e Spanjës

Autori: Gazeta inFokus 23:59 | 14 January 2021

Real Madridi është eliminuar nga Superkupa e Spanjës, pasi në gjysmëfinale është mposhtur nga Athletico Bilbao me rezultat 2-1, shkruan Gazeta inFokus.

Në takimin e zhvilluar në stadiumin ‘Estadio La Rosaleda’ në Malaga, golat për Bilbaon i realizoi Raul Garcia në minutën e 18’ dhe 28’, kurse golin e vetëm për ‘Loc Blancos’ e shënoi Karim Benzema në minutën e 73’.

Pas përfundimit të ndeshjes ka folur trajneri i ‘Los Blancos’, Zinedine Zidane, i cili ka thënë se nuk e kanë nisur ndeshjes mirë.

-Advertisement-

“Nuk e lexuam ndeshjen mirë minutat e para, bëmë gabime. E nisëm ndeshjen keq, por pas disavantazhit 0-2, gjërat u komplikuan. U munduam në pjesën e dytë të bëjmë disa ndryshime dhe funksionoi, por jo aq sa të fitojmë ndeshjen”, është shprehur fillimisht Zidane.

Tutje tekniku francez shtoi se pas kësaj paraqite do të këtë polemika, por premtoi se nuk do të ndalën të mendojnë, por do të shkojnë përpara.

“Do të ketë shumë polemika për këtë paraqitje, por ne nuk do të ndalemi dhe të mendojmë, do shikojmë përpara. Isha i kënaqur me paraqitjen e Benzemas, por kërkoja të freskoja sulmin me inkuadrimin e Marianos”, përfundoi Zinedine Zidane.

Athletico Bilbao në finale do të takohet me Barcelonën, të dielën nga ora 21:00./Gazeta inFokus/

Subscribe në YouTube: GAZETA INFOKUSI