Lajme

Daniel Serwer: BE dhe SHBA po dështojnë me Kosovën dhe Serbinë

Autori: Gazeta inFokus 22:43 | 05 August 2023

Eksperti amerikan për çështjen e Ballkanit, Daniel Serwer, ka folur për dinamikën e procesit të dialogut mes Kosovës dhe Serbisë dhe zhvillimeve të fundit në katër komunat e banuara me shumicë serbe në veri të vendit.

Serwer vlerësoi se Bashkimi Evropian dhe Shtetet e Bashkuara të Amerikës po dështojnë në raport me palët, duke thënë se nuk janë të gatshëm të bëjnë presion ndaj presidentit të Serbisë, Aleksandar Vuçiq, ndërkaq sipas tij, presioni ndaj kryeministrit të Kosovës, Albin Kurti, nuk ka dhënë rezultate.

“Bashkimi Evropian dhe Shtetet e Bashkuara janë duke dështuar si me Prishtinën ashtu edhe me Beogradin. Në njërën anë, Presidenti Vuçiq ka bërë të qartë se nuk ka detyrime nga marrëveshjet e arritura në shkurt dhe në mars. Në anën tjetër, kryeministri Kurti ka bërë të qartë se nuk do të lëvizë me Asociacionin e Komunave me Shumicë Serbe, pa vendosur rendin dhe ligjin në veri të Kosovës. Amerikanët dhe evropianët nuk janë të gatshëm të bëjnë presion ndaj Vuçiqit, ndërkaq presioni i tyre ndaj Kurtit nuk ka dhënë rezultate”, ka thënë Serwer, raporton Koha.

-Advertisement-

Në mungesë të dakordimit, BE-ja muajve të fundit është marrë me shtensionimin e situatës në veri, pasi që vendosja e kryetarëve të rinj në objektet komunale në Zveçan, Leposaviq e Zubin-Potok nxiti protesta të dhunshme nga serbët lokalë.

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme