Lajme

Theret me thikë një person në Prishtinë, katër të arrestuar

Autori: Gazeta inFokus 17:02 | 04 May 2025

Mbrëmë ka ndodhur një përleshje mes disa personave në Prishtinë, ku një person është therur me mjet të mprehtë.

Rastin e ka konfirmuar zëdhënësi i policisë për rajonin e Prishtinës, Agron Borovci, duke bërë të ditur se janë arrestuar katër persona.

“Mbrëmë nga zyrtarët policor të kryeqytetit, janë arrestuar katër persona të dyshuar për rastin “Vrasje në tentativë”

-Advertisement-

Ngjarja ka ndodhur rreth orës 23:30, në rrugën “Lidhja e Prizrenit” në Prishtinë , me ç’ rast, një nga viktimat kishte pësuar lëndime trupore nga një mjet i mprehtë, përderisa të tjerët si rezultat i përleshjes. Ndërkohë që kanë vazhduar veprimet hetimore të policisë, janë identifikuar dhe arrestuar të dyshuarit”, thuhet në konfirmim.

Borovci gjithashtu ka njoftuar se dy nga katër të arrestuar janë 18-vjeçar, ndërkaq dy të tjerët 19-vjeçar.

“Ndaj tyre policia ka iniciuar një hetim në drejtim të veprave penale “Vrasja në tentativë” si dhe “Lëndim i rëndë trupor” dhe me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh”, thuhet tutje në konfirmim.

Subscribe në YouTube: GAZETA INFOKUSI