Lajme

Çmimet e naftës ulen në botë, rriten në Kosovë

Autori: Gazeta inFokus 10:13 | 30 March 2022

Për disa ditë çmimi i naftës dhe derivateve të saj filloi të pësonte rënie. Por nuk shkoi gjatë e ai përsëri mori hov rritjeje.

Këtë të mërkurë çmimi i naftës po shitet me çmim prej 1.69 euro, shkruan Gazeta Infokus.

Por çmimet e naftës dhe derivateve të saj nuk pësuan ngritje në tregjet ndërkombëtare. Përkundrazi ato u ulen.

-Advertisement-

Raundi i ri i bisedimeve të paqes midis Rusisë dhe Ukrainës, i ndërmjetësuar nga Turqia, që ka nisur në Stamboll ka bërë që stabilizohen tregjet botërore.

Aktualisht një barrel naftë e papërpunuar po tregtohet me 106 dollarë një rënie prej 6 dollarësh vetëm brenda një dite.

Kurse nafta e papërpunuar WTI po tregtohet në nivelin e 100 dollarëve.

Pavarësisht kësaj naftëtarët kosovarë arsyetohen se çmimi në Kosovë vendosët në bazë të bursës ndërkombëtare.

Madje nga Shoqata e Naftëtarëve të Kosovës kanë paralajmëruar se nuk do të ketë stabilitet të çmimeve derisa lufta mes Rusisë dhe Ukrainës të përfundojë.

Kujtojmë se çmimi më i lartë i naftës në Kosovë disa javë më parë shkoi deri në 1.8 euro.

Kurse, pas kësaj rritje të çmimeve të karburanteve, Qeveria pati marrë vendim që t’i subvencionojë çmimet e naftës për bujqit deri 5 milionë euro pse 0.36 cent për litër

Ndryshe, agresioni ushtarak i Rusisë ndaj Ukrainës ka hasur në zemërim ndërkombëtar, me BE, SHBA dhe Britani të Madhe, ndër të tjera, duke zbatuar sanksione të ashpra financiare ndaj Moskës./Gazeta Infokus/

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme