Sport

City rrezikon përjashtimin nga Liga e Kampionëve

Autori: Gazeta inFokus 15:02 | 04 January 2019

Shkelja e rregullave të FFP mund t’i kushtojë rëndë kampionëve të Anglisë.

Manchester City ka marrë një lajm jo të mirë në fillimin e këtij viti, ku klubi anglez rrezikon seriozisht përjashtimin nga kompeticionet evropiane.

Mos respektimi i rregullave të fair-play-it financiar është arsyeja pse ata janë në problem të këtilla. Ai që e konfirmon një gjë të tillë është presidenti i komitetit të kontrollit financiar në UEFA, Yves Leterme, i cili u shpreh se nëse dokumentet e publikuara nga Football Leaks vërtetohen atëherë masat ndëshkimore do të jenë të ashpra.

-Advertisement-

Sipas dokumenteve në atë kohë rreth 60 milionë funte janë paguar direkt në arkat e klubit nga kompania arabe Abu Dabi United Group dhe që në fakt kjo shumë duhet të kalonte si pagesë për një sponsorizim nga ana e Etihad dhe që në fakt nuk ka ndodhur kështu.

“Nëse dokumentet e publikuara vërtetohen atëherë ky është një problem shumë serioz dhe që mund të shoqërohet me masa shumë të ashpra ndëshkimore” u shpreh Leterme, i cili shtoi gjithashtu se një ndër masat që mund të merret është përjashtimi nga të gjitha kompeticionet e UEFA-s.

Subscribe në YouTube: GAZETA INFOKUSI
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
-Advertisement-

Të tjera

Fokusi

sport