Sport

Champions, sonte çerekfinalet e para

Autori: Gazeta inFokus 15:16 | 09 April 2019

Luhen sot në mbrëmje 2 ndeshjet e para çerekfinale të Ligës së Kampioneve. Në Anfield, Liverpooli, finalisti i vitit të kaluar do të presë Porton me portugezët që do të kërkojnë revanshin për humbjen 5-0 të pësuar nga The Reds në 1/8 e finaleve të sezonit të kaluar.

Liverpool vjen si skuadra që kryeson Premier Leaguen dhe trajneri Jurgen Klopp ka deklaruar se skuadra e tij është në një moment shumë të mirë, por që përballë Portos e pret një ndeshje e vështirë.

Nga ana e saj skuadra e Conceiçaos përveç hakmarrjes në mbrëmjen e sotme do të kërkojë të thyejë edhe tabunë Angli, pasi në 18 ndeshje të zhvilluara në këtë vend nuk ka mundur të fitojë asnjëherë.

-Advertisement-

Sot do të luhet edhe derbi britanik i Champions League mes Tottenhamit dhe Manchester City. Kjo është hera e 6 që dy skuadra të Premier Leagues vihen përballë njëra-tjetrës në cerekfinale të Ligës së Kampioneve. Sfida do të luhet në stadiumin e ri të klubit londinez, Tottenham Hotspur Stadium që u përurua përpara 1 jave.

Tottenhami nuk luan në cerekfinale të Ligës së Kampioneve që nga viti 2011 dhe Pochettino deklaroi se skuadra e tij do të kërkojë të jetë agresive në këtë ndeshje për të shkruar historinë në shtëpinë e re të saj.

Por Hotspurs do të kenë përballë Manchester City që këtë vit pretendon të fitojë të gjithë trofetë sezonalë. për më tepër Citizens kanë një bilanc të frikshëm përsa i përket këtij viti teksa kanë fituar 20 ndeshje në 22 të zhvilluara gjithsej.