Sport

Challandes kështu e komentoi deklaratën e trajnerit të Danimarkës

Autori: Gazeta inFokus 16:52 | 20 March 2019

Selektori i Kosovës, Bernard Challandes, është duke mbajtur konferencën për shtyp para ndeshjes së nesërme me Danimarkën.

Kosova dhe Danimarka do ta takohen për herë të parë në stadiumin “Fadil Vokrri”, me fillim të orës 19:00.

Homologu i Challandes, Age Hareide ditë më parë deklaroi se ndeshjen me Kosovën e sheh si stërvitje dhe se është i detyruar ta zhvillojë këtë ndeshje.

-Advertisement-

“Sikur të ishte varur prej meje, ne vetëm do të stërviteshim për ndeshjen e Zvicrës, por UEFA thotë se ne duhet të luajmë ndeshje. Për shembull, mund ta kishim zgjedhur Gjermaninë si një kundërshtar, por do të ishte një kundërshtar tepër i vështirë para ndeshjes së Zvicrës. Prandaj, pranuam të luajmë kundër një ekip të renditur më ulët dhe kemi gjashtë zëvendësime. Kështu që do të jetë një stërvitje e mirë për ne”, ka thënë Hareide, transmeton Insporti.com.

Ndërsa në pyetjen e Insportit, se a e sheh si përulje deklaratën e trajnerit të kombëtares së Danimarkës, Age Hareide, ai është përgjigjur se nuk e sheh si të tillë.

“Unë nuk mendoj ashtu, sepse të gjithë trajnerët thojnë se ka ndeshje të lehtë, por nuk ishte lehtë të fitosh ndaj Maltës, apo dikujt tjetër. Ne në shtator do të luajmë ndaj Gjiblartarit, nuk mund të themi se është një skuadër e dobët dhe mos t’i respektojmë, është thjesht një zgjedhje. Danimarka mund të luaj kundër skuadrave të mëdha ose ekipe si Kosova, është një zgjedhje. Danimarka do ta ketë një ndeshje të fortë më Zvicrën pas pesë ditësh nuk do ta ketë një ndeshje të

lehtë, ashtu dhe Kosova nuk është një ekip i lehtë, por nuk është Franca, ne nuk jemi kampion të botës”, deklaroi selektori Challandes.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

sport