Shteti i Kosovës nga viti 2012 filloi krijimin e rezervave shtetërore. Madje përgjegjësit thonë se nga viti në vit shtuan sasinë në stoqe.

Mallra si agro-ushqimore, grurë, naftë, barna esenciale e produkte tjera thuhet se ka të rezervuara, ani se sasia e tyre nuk bëhet e ditur, pasi kjo konsiderohet sekret shtetërorë, shkruan Gazeta inFokus.

“Rezerva shtetërore ka: mallra agro-ushqimore, grurë, naftë, barna esenciale etj. DRSH vazhdimisht është duke e rritur stokun me produkte të rezervës shtetërore si në sasi ashtu edhe në lloje të produkteve, ndërsa sa i përket nevojave për rritje ato janë të mirëseardhura”, thuhet në një përgjigje të Ministrisë së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, në kuadër të së cilës tani funksionon Departamenti i Rezervave Shtetërore, për Gazeten inFokus.

-Advertisement-

Rezervat shtetërore të mallrave sigurohen në bazë të Planit strategjik afatmesëm por sasaia e tyre madje as vendi se ku ruhen ato nuk bëhen të ditura.

“Bazuar në Planin strategjik 2019-2021, të hartuar nga Departamenti i Rezervave Shtetërore (DRSH), në kuadër të MEPTINIS, në bashkëpunim me ministritë e linjave, buxheti është i konsiderueshëm sipas planifikimit të programit vjetor. Konsiderojmë se në rast të kërkesës për ndonjë intervenim të mundshëm emergjent DRSH-ja do t’i dalë në ndihmë gjithë popullatës të asaj zone ku kërkohet intervenimi”, thuhet në njoftimin e ministrisë, shkruan Gazeta Infokus.

Ditëve të fundit është vërejtur një kërkesë më e madhe e artikujve esencial nëpër qendrat tregtare. Kjo si pasojë rasteve të koronavirusit në vendet e rajonit dhe më gjerë.

Megjithatë njohësit e ekonomisë kanë kërkuar që institucionet të verifikojnë rezervat shtetërore dhe të bëjnë veprime konkrete për aktivizim të rezervave.

“Nga informacionet, prej të gjithë furnizuesve kryesor: Ka sasi të mjaftueshme të miellit, pra nuk ka as arsye për panik, as për rritje çmimesh; Për të parandaluar çdo mundësi të çrregullimeve në treg, Ministria e Ekonomisë, duhet të bëj verifikim urgjent të rezervave shtetërore dhe të përgatis veprime konkrete për aktivizim të rezervës shtetërore”, ka deklaruar kryetari i Odes Ekonomike të Kosovës Berat Rukiqi. /Gazeta Infokus/

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-