Lajme

Bosch: Mustafa shihet si luftëtar i suksesshëm në Kosovë dhe gjykimi ndaj tij si i padrejtë

Autori: Gazeta inFokus 17:19 | 16 December 2022

Ish-diplomati i Holandës, Robert Bosch, ka thënë se kryegjyqtarja Mappie Veldt-Folglia nuk e kuptoi situatën në Kosovë kur tha se aktgjykimi kishte “pajtim ndërmjet grupeve të ndryshme të popullsisë të afërt”.

Bosch, me anë të një postimi në ‘Facebook’ ka thënë se në Kosovë shihet e kundërta: Mustafa shihet si një luftëtar i suksesshëm i lirisë dhe gjykimi ndaj tij si i padrejtë.

“Kryegjyqtarja Mappie Veldt-Folglia gjatë paraqitjes së aktgjykimit tregoi mungesën e të kuptuarit të situatës në Kosovë duke thënë se aktgjykimi e solli pajtimin ndërmjet grupeve të ndryshme të popullsisë më të afërt, apo të ngjashme. E kundërta është sigurisht rasti pasi #Mustafa shihet si një luftëtar i suksesshëm i lirisë dhe gjykimi ndaj tij si i padrejtë”, ka deklaruar Bosch.

-Advertisement-

Gjykata Speciale të premten shpalli fajtor Salih Mustafën, ish-pjesëtar të Ushtrisë Çlirimtare të Kosovës, duke e dënuar me 26-vite burg.

Ai u shpall fajtor për vrasje të paligjshme, torturë dhe ndalim arbitrar.

Subscribe në YouTube: GAZETA INFOKUSI