Lajme

Bilanc tragjik në Turqi: Toka vazhdon të dridhet, mijëra zëra nën rrënoja luten për ndihmë

Autori: Gazeta inFokus 10:50 | 07 February 2023

Toka vazhdon të dridhet e bashkë me të zemrat e mijëra të mbijetuarve që përballen me tmerr pas tmerri. Familje të tëra janë nën gërmadha, prindër që kërkojnë fëmijët, e fëmijët prindërit. Zëra që vijnë nga rrënojat me shpresën se sot është dita e tyre me fat.

Shumë fëmijë ia dolën të dalin të gjallë nga rrënojat, por prindërit e tyre jo. Pranë godinave të shkatërruara sheh qytetarë, gra e burra të gjunjëzuar me sytë nga qielli e shpresë në Zot se kjo dramë që ka tronditur Turqinë, Sirinë por që ka prekur gjithë botën të mbarojë.

Tronditje dramatike me intensitet të lartë vazhduan edhe mbrëmjen e djeshme. Mijëra burra pjesë e ekipeve të kërkim shpëtimit kanë mbi 24 orë pa pushim që kërkojnë mrekullinë e radhës nën rrënoja.

-Advertisement-