Lajme

BE tregon datën e takimit të Albin Kurtit me Aleksandar Vuçiqin

Autori: Gazeta inFokus 16:25 | 26 April 2021

Presidenti i Serbisë, Aleksandar Vuçiq, u takua sot me Përfaqësuesin e Lartë të Bashkimit Evropian për Punë të Jashtme dhe Politikë të Sigurisë, Josep Borell, në të cilin u konfirmua vazhdimi i dialogut Kosovë-Serbi më 11 maj.

Në këtë datë, pra, pritet të takohen kryeministri i Kosovës, Albin Kurti dhe presidenti i Serbisë, Aleksandar Vuçiq, raporton Gazeta Express.

Vuçiq pas takimit me Borell deklaroi se Serbia po përpiqet të zbatojë gjithçka për të cilën u morën vesh në marrëveshjet e Brukselit dhe Washingtonit dhe shtoi se shpreson që pala shqiptare të merret me ato çështje.

-Advertisement-

Infermierët pajtohen me vendimin e Kurtit për shtesat: Qeveria Hoti na diskriminoi

“Por ne do të shohim se si do të sillet pala tjetër”, tha Vuçiq dhe kujtoi se marrëveshja u arrit, ndër të tjera, që të pezullohet fushata për tërheqjen e njohjes së Kosovës nga vendet e tjera.

Siç theksoi ai, ai shpreson se do të ketë përparim në negociatat me Kosovën, pasi që kjo tha se është e rëndësishme për shkak të njerëzve, por edhe për shkak të atmosferës në rajon.

Borell në anën tjetër tha se një nga temat e takimit, si gjithmonë, ishte dialogu dhe vlerësoi Beogradin për angazhimin për ta vazhduar atë.

“Ne biseduam për dialogun. Unë e vlerësoj që presidenti Vuçiq është i përkushtuar në dialog dhe unë jap mbështetjen e plotë për të arritur një zgjidhje dhe marrëveshje të pranueshme ligjërisht midis Serbisë dhe Kosovës”, tha Borell.

Vazhdimi i dialogut ka shumë të ngjarë të mbahet më 11 maj, siç njoftoi Borell në konferencën për shtyp.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme