Lajme

BE ka në plan sanksione të reja ndaj Iranit, shkak shtypja e protestave

Autori: Gazeta inFokus 11:10 | 06 October 2022

Bashkimi Evropian po shqyrton vendosjen e sanksioneve ndaj Iranit, për shkak të shtypjes së dhunshme të protestave.

Përfaqësuesi i lartë i BE-së, për politikën e jashtme dhe sigurinë, Josep Borrell, tha se Bashkimi Evropian, po shqyrton vendosjen e sanksioneve shtesë kundër Iranit, pasi organizatat e të drejtave të njeriut raportuan se mijëra njerëz u arrestuan dhe qindra u plagosën gjatë shtypjes së protestave nga Forcat iraniane të sigurisë. Protestat antiqeveritare shpërthyen në Iran, në shtator pas vdekjes së një gruaje të re iraniane, Masha Amini (22), e cila u arrestua nga policia e moralit.

Ajo dyshohet se u rrah për vdekje nga policia, për shkak të vendosjes së mbulesës në mënyrë ”joadekuate” dhe më pas nuk u mbijetoi plagëve. Ministrat e jashtëm të BE-së do të diskutojnë sanksione të mëtejshme kundër Iranit në takimin e tyre të ardhshëm, u tha Borell gazetarëve në Pragë, raporton Reuters, transmeton KlanKosova.tv.

-Advertisement-

 

Subscribe në YouTube: GAZETA INFOKUSI
Etiketa:
Edhe dy medalje të arta – Viva Fresh, lider në cilësi, produkte dhe shërbime në Kosovë
-Advertisement-

Të tjera

Fokusi

lajme