BE-ja fton Kosovën dhe Serbinë që t’i japin fund “menjëherë” retorikës nxitëse
Autori: Gazeta inFokus 12:37 | 14 August 2022
Bashkimi Evropian ka ftuar liderët politikë në Kosovë dhe Serbi që menjëherë t’i japin fund retorikës nxitëse dhe të veprojnë me përgjegjësi. BE-ja ka shprehur shqetësim për deklaratat në të cilat përmenden lufta dhe konflikti, dhe ka shtuar se “do t’i mbaj përgjegjës liderët politikë për çfarëdo përshkallëzimi të situatës në rajon”.
Kështu thuhet në deklaratën e 14 gushtit të BE-së, dërguar nga zëdhënësi, Peter Stano.
“Rritja e retorikës nxitëse kohëve të fundit nga ana e zyrtarëve të Kosovës dhe Serbisë, në veçanti deklaratat rreth luftës dhe konfliktit në Ballkanin Perëndimorë paraqesin shqetësim të madh. Politikanët e lartë nga të dyja palët do të mbahen përgjegjës për çfarëdo përshkallëzimi që mund të qoj deri tek ndonjë rritje të tensioneve dhe potencialisht në dhunë në rajon”, thuhet në këtë deklaratë.
Aty thuhet se të dyja palët duhet “menjëherë t’i japin fund armiqësive mes tyre dhe deklaratave nxitëse, si dhe të veprojnë me përgjegjësi”.
Kryeministri i Kosovës, Albin Kurti ka deklaruar në një intervistë për Radion Evropa e Lirë, më se në komunat veriore të Kosovës, më 31 korrik, pati rrezik për përshkallëzim të situatës në konflikt të armatosur, “për shkak të frikës së injektuar nga Beogradi dhe për shkak të planeve të bëra në Rashkë dhe në Beograd”.
Presidenti i Serbisë, Akeksandër Vuçiq tha se ka informacione për plane se në veri të Kosovës po përgatitet “likuidimi i popullit tonë”, duke iu referuar popullsisë serbe që jeton në Kosovë.
Një ditë pas kësaj deklarate, kryeministri Kurti tha kur zyrtarët në Beograd, përfshirë presidentin serb, Aleksandar Vuçiq, flasin për dhunë dhe vrasje në Kosovë, ata flasin për vete, “flasin për imagjinatën e mendimet e tyre”.
BE-ja thotë se të gjitha çështjet e hapura mes dy vendeve duhet të adresohen përmes dialogut.
“BE-ja pret që dy liderët të diskutojnë këto tema sfiduese në takimin e radhës të nivelit të lartë në kuadër të dialogut, të ftuar nga Përfaqësuesi i Lartë, Josep Borrell”.
Kryeministri i Kosovës, Albin Kurti dhe Presidenti i Serbisë, Aleksandar Vuçiq do të takohen në Bruksel me 18 gusht.
Bashkimi Evropian rikujton se arritja e një marrëveshje gjithëpërfshirëse dhe ligjërisht obliguese për normalizimin e plotë të raporteve kërkon një klimë e cila do t’i kontribuonte kthimit të besimit, pajtimit dhe raporteve të mira, “ku marrëveshjet e së kaluarës respektohen dhe implementohen në tërësi, dhe ku veprimet e deklaratat të cilat nuk janë në përputhje me interesat e përgjithshme dhe qëllimet strategjike të rajonit nuk kanë vend”.
BE-ja thotë se bashkë me EULEX-in në Kosovë, është në koordinim të afërt me KFOR-in dhe partnerët ndërkombëtarë, në veçanti Shtetet Bashkuara të Amerikës.
Më 17 gusht, Sekretari i përgjithshëm i NATO-s, Jens Stoltenberg do të mbajë takime të ndara në Bruksel me kryeministrin kosovar, Albin Kurti dhe presidentin serb, Aleksandar Vuçiq.
Një ditë pas, më 18 gusht do të zhvillohet takimi i dy liderëve nën ndërmjetësimin e Bashkimit Evropian.
Ky takim ishte thirrur pas rritjes së tensioneve në veri të Kosovës.
Më 31 korrik, serbët lokalë vendosën barrikada në veri të Kosovës për të kundërshtuar dy vendimet e Qeverisë së Kosovës lidhur me targat dhe dokumentet serbe.
Barrikadat u hoqën më 1 gusht dhe Qeveria e Kosovës u zotua se do të shtyjë për një muaj zbatimin e vendimit për pajisjen e shtetasve të Serbisë me dokument për hyrje-dalje, me të hyrë në territorin e Kosovës.
Prej atëherë liderët politikë kanë shkëmbyer akuza të ndërsjella për tensionimin e situatës./REL
Të tjera
-
Abdixhiku: Transformuam shkollat në Prishtinë, me plan edhe anembanë Kosovës
Kryetari i LDK-së, Lumir Abdixhiku bashkë me deputetin gjerman, Peter Beyer t...
-
Alarmon Eman Rrahmani: Nxënësja me mbulesë nga Peja akoma nuk është kthyer në shkollë
Deputeti Eman Rrahmani ka treguar në emisionin “Infotalks” në Gazeta Infokus ...
-
Publikohet video e rrallë e Kadri Veselit i rrethuar nga forcat serbe në vitin 1998
Koleksionuesi i mijëra video-kasetave për krimet serbe, Esat Shala, ka publik...
-
Therje me thikë në Prishtinë, katër persona të plagosur
Katër persona kanë mbetur të plagosur, njëri nga ta me thikë, pas një përlesh...
-
Policia e Kosovës fuqizohet me automjete të blinduara dhe autoblinda
Policia e Kosovës është furnizuar me automjete të blinduara dhe autoblinda, t...
-
Zbulojë informacione konfidenciale të paautorizuara, IPK rekomandon suspendimin e një polici në Kaçanik
Hetuesit e Inspektoratit Policor të Kosovës (IPK) i kanë rekomanduar Policisë...
-
Bedri Hamza fillon punëtoritë me qytetarë për program, e nis me Gjakovën
Kandidati për kryeministër të Kosovës nga radhët e PDK-së, Bedri Hamza, ka zh...
-
Policia: Rrahje në Prishtinë, katër të lënduar – njëri u ther me thikë
Policia konfirmon se si pasojë e rrahjes në rrugën “Agim Deva” në Prishtinë ë...
-
Mijëra njerëz marshojnë në Vjenë kundër FPO-së para bisedimeve për koalicion
Mijëra protestues marshuan të enjten në Vjenë, duke u bërë thirrje partive po...
-
Ahmeti: Bashkësia ndërkombëtare do bëjë presion që mos të ketë më Qeveri Kurti
Ish-kryetari i Prishtinës, Shpend Ahmeti ka thënë se do të ketë presion nga b...
-
Vetëvendosje paralajmëron mbledhje partiake ku do të diskutojnë si kanë qeverisur
Lëvizja Vetëvendosje ka paralajmëruar mbledhje partiake, ku do të diskutohet ...
-
Mijëra njerëz marshojnë në Vjenë kundër të djathtës ekstreme
Mijëra protestues marshuan në Vjenë të enjten për t’u kërkuar partive politik...