Sport

Barcelona kërkon këndelljen ndaj Rayo Vallecano, ja ndeshjet e sotme në La Liga

Autori: Gazeta inFokus 10:50 | 27 October 2021

La Liga spanjolle vazhdon sot me disa ndeshje interesante në kuadër të xhiros së 10 të sezonit të ri 2021/22, ku Barcelona do të kërkojë fitoren si mysafirë kundër Rayo Vallecanos.

Pas humbjes në xhiron e kaluar kundër Real Madridit, Barcelona do të kërkojë me çdo kusht tre pikët sot kundër Rayo Vallecanos, ku të dy skuadrat i ndanë një pikë dhe një vend në tabelë, përcjell KosovaPress.

Ndeshje sot do të zhvillojë edhe gjigandi spanjoll Real Madridi, i cili pret në shtëpi skuadrën e Osasunas, ku në rast fitoreje të “Galaktikëve”, këta të fundit do ta shihnin vetën të ngjiten në pozitën e parë.

-Advertisement-

Pas 10 xhirove të zhvilluara, tabelën e kryeson skuadra e Real Sociedadit me 21 pikë, një më shumë se Real Madridi dhe Sevilla në pozitat dy dhe tre, kurse Top 4 e mbyll kampioni aktual Atletico Madridi me gjithsej 18 pikë.

Në anën tjetër, Granada me shtatë pikë, Levante me pesë sosh, dhe Getafe me vetëm dy pikë gjenden në fundin e tabelës së La Ligas spanjolle.

Programin e plotë të ndeshjeve të sotme në La Liga e gjeni më poshtë.

19:00 Mallorca – Sevilla (Stadiumi Visit Mallorca)

19:00 Rayo Vallecano – Barcelona (Stadiumi Campo de Futbol de Vallecas)

20:00 Real Betis – Valencia (Stadiumi Benito Villamarín)

21:30 Real Madrid – Osasuna (Stadiumi Santiago Bernabeu)

Subscribe në YouTube: GAZETA INFOKUSI