Zyrtari i Lidhjes Demokratike të Kosovës dhe kryetari i Degës së LDK-së në Ferizaj, Visar Azemi, ka publikuar fotografitë e shkollës fillore të Ferizajt “Rizah Matoshi” e cila gjendet në fshatin Nikadin.

Azemi ka thënë se ndonëse është viti 2024, objekti i kësaj shkolle më shumë duket si gërmadhë sesa si institucion.

Ai ka thënë se në këtë shkollë mësojnë 230 nxënës dhe punojnë një staf prej 20 personash. Azemi thotë se të gjithë këta janë të rrezikuar nga dëmtimet e objektit.

-Advertisement-

Azemi i ka bërë thirrje kryetarit të kësaj komune nga radhët e PDK-së, Agim Aliut, që shkolla në fjalë kërkon intervenim të shpejt dhe se çdo vonesë e mëtejshme e ngarkon më shumë përgjegjësi kryetarin.

Reagimi i plotë:

Fotografitë e mëposhtme nuk janë të ndonjë shkolle menjëherë pas lufte. Kështu duket sot Shkolla Fillore “Rizah Matoshi”, në fshatin Nikadin të Ferizajit. Është viti 2024 dhe një objekt shkollor më shumë duket si gërmadhë sesa si institucion arsimor.

Në këtë shkollë ndjekin mësimet rreth 230 nxënës dhe aty punojnë një staf që përbehet diku nga 20 persona. Po bëhet fjalë për afro 250 qytetarë të Ferizajit që janë të pasigurtë në një objekt të tillë ku e kalojnë një pjesë të mirë të ditës. Në çdo ditë mësimi, përveç një mjedisi të pashëndetshëm ku qëndrojnë me orë, ata i ekspozohen edhe rrezikut që vjen nga dëmtimi i mëtejmë i objektit. E mos të harrojmë se situata rëndohet veçmas në sezonën e dimrit.

Veç kësaj, si mund të flitet për mësimdhënie e mësimnxënie cilësore, kur mësimi mbahet në klasa që e kanë gjendjen e këtillë?! Në lëndën e historisë, arsimtari që iu flet për mbetjet e qyteteve dhe shteteve antike, lirisht mund të ua ilustrojë ato nxënësve me pamjen aktuale të objektit shkollor.

Agim Aliu duhet të jetë i vetëdijshëm që kjo shkollë do intervenim të shpejtë dhe nxënësit e stafi i saj nuk guxojnë të lihen tutje në këtë gjendje. Çdo vonesë ju ngarkon edhe më shumë me përgjegjësi, kryetar!

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-