Asociacioni i Komunave ngre alarmin: Projektligji për Pronën Publike cenon autonominë lokale
Autori: Gazeta inFokus
15:14 | 03 August 2026
Asociacioni i Komunave të Kosovës (AKK) ka kundërshtuar Projektligjin për Pronën Publike, duke vlerësuar se ai cenon autonominë lokale dhe ua heq komunave të drejtën e pronësisë mbi pronën komunale.
Sipas njoftimit të AKK-së, Këshilli i Kryetarëve ka diskutuar të hënën Projektligjin, i cili parasheh që komunat të mos jenë më pronare të pronës komunale, por vetëm shfrytëzuese ose administruese të saj.
Në takim, të gjithë kryetarët dhe përfaqësuesit e komunave të pranishëm mbështetën unanimisht qëndrimet e Asociacionit dhe kundërshtuan çdo përpjekje për centralizimin e pronës publike në nivelin qendror.
Sipas AKK-së, një qasje e tillë bie ndesh me Ligjin për Vetëqeverisjen Lokale, cenon autonominë e komunave dhe ndikon drejtpërdrejt në zhvillimin ekonomik lokal.
“Prona komunale u takon komunave dhe nuk mund të tjetërsohet përmes një projektligji centralizues”, thuhet në reagim.
Asociacioni ka bërë të ditur se kërkesat e miratuara unanimisht nga kryetarët dhe përfaqësuesit e komunave do t’i dërgohen Ministrisë së Drejtësisë.
Ndër kërkesat kryesore janë që komunat të njihen shprehimisht si pronare të pronës komunale, të hiqet përcaktimi se Republika e Kosovës është pronare e vetme e tërë pronës publike, si dhe kuvendet komunale të ruajnë të drejtën për të vendosur për bartjen, këmbimin dhe dhënien me qira të pronës komunale.
Po ashtu, AKK kërkon që prona e blerë, ndërtuar ose krijuar me mjete komunale të regjistrohet në emër të komunës, regjistri unik qendror të ketë vetëm karakter koordinues dhe të mos e zëvendësojë regjistrin komunal, ndërsa Projektligji të mos kufizojë kompetencat vetanake të komunave në zhvillimin ekonomik lokal, planifikimin dhe shfrytëzimin e tokës.
Në mesin e kërkesave është edhe kufizimi i mbikëqyrjes qendrore vetëm në kontrollin e ligjshmërisë së vendimeve për pronën komunale, garantimi që të hyrat nga prona komunale t’u takojnë komunave, si dhe shfrytëzimi i të gjitha mjeteve ligjore për të parandaluar centralizimin e kësaj kompetence, e cila, sipas AKK-së, u garantohet komunave me Ligjin për Vetëqeverisjen Lokale.
Në fund, Asociacioni i Komunave të Kosovës kërkon rishikimin rrënjësor të Projektligjit për Pronën Publike dhe përfshirjen e plotë të kërkesave të komunave në versionin përfundimtar të tij.

T� tjera
-
Komandanti i Forcave Tokësore të FSK-së zhvillon takim me homologun nga Shqipëria
Komandanti i Forcës Tokësore të Forcës së Sigurisë së Kosovës, Gjeneral Briga...
-
Iu ndal fjala në Kuvend – Rrahmani i përgjigjet Kurtit
Deputeti i Partisë Demokratike të Kosovës, Eman Rrahmani, në emisionin “DPT t...
-
Hamza për buxhetin: Nuk garanton as mirëmbajtjen
Deputeti i Partisë Demokratike të Kosovës, Bedri Hamza, ka kritikuar projektb...
-
“Ku janë 100 mijë vendet e punës?”, Bajrami akuzon Qeverinë për propagandë – publikon shifrat e Trustit
Deputetja e Lidhjes Demokratike të Kosovës (LDK), Hykmete Bajrami, ka kritiku...
-
Ambasada e Zvicrës: Marrëveshja me EFTA-n sjell mundësi të reja për bizneset kosovare
Ambasada e Zvicrës në Kosovë ka thënë se Marrëveshja e Tregtisë së Lirë mes E...
-
Buxheti i vitit të ardhshëm, Murati: Fokusi te mbështetja e kategorive jashtë tregut të punës
Ministri i Financave, Hekuran Murati, ka folur për projektbuxhetin e vitit të...
-
Kosova me nismë të re për ndryshimin e Ligjit për Specialen, pas kritikave nga ndërkombëtarët
Kosova do të ndërmarrë një nismë të re për ta ndryshuar Ligjin për Dhomat e S...
-
“Disiplinohu pak ministër”, Hoti i reagon Muratit gjatë debatit për buxhetin
Deputeti i LDK-së, Avdullah Hoti, ka kritikuar projektbuxhetin, duke thënë se...
-
Për Ligj të ri për Specialen procedurat nisin nga zero, Cakolli: Nëse deri të hënën s’rrëzohet veto e Presidentes, ai që u votua s’vlen asgjë
Eugen Cakolli nga Instituti Demokratik i Kosovës (KDI) ka shpjeguar procedura...
-
Përfundon dita e dytë e vizitës së Krasniqit te familja, e kthejnë në EULEX
Jakup Krasniqi ka qëndruar edhe sot në Kosovë, ku ka vizituar familjen e tij ...
-
Aksion në gjithë Kosovën: Mbyllen 15 lokale ‘muzikë live’ dhe qendra masazhi, arrestohen 8 persona
Policia e Kosovës ka realizuar planin operativ “Vjeshta 2026”, në kuadër të l...
-
Haxhiu: Buxheti i vitit 2027 nuk është zhvillimor, por konsumues
Deputetja e Aleancës, Teuta Haxhiu, ka kritikuar projektbuxhetin për vitin 20...





























