“Askush nuk investon ku s’ka siguri”, njohësit ngrenë alarmin: Veriu po dëmton ekonominë
![](https://gazetainfokus.com/wp-content/uploads/2023/07/Screenshot_4.png)
Autori: Gazeta inFokus
10:04 | 01 July 2023
Tensionet në komunat më veriore të Republikës vlerësohet se po ndikojnë negativisht në aspektin ekonomik. Njohës të fushës së ekonomisë vlerësojnë se kjo situatë është tejet shqetësuese edhe për investitorët e huaj, duke i kërkuar Qeverisë së Kosovës që t’i thërrasë mendjes dhe të punojë drejt shtensionimit të situatës.
Eksperti i ekonomisë, Mustafë Kadriaj thotë për KosovaPress tensionet e muajit të fundit në katër komunat me shumicë serbe në veri të Kosovës, kanë bërë që vendi të humbasë investimet e mundshme që vijnë nga jashtë.
Profesori Kadriaj kërkon nga qeveria të jetë e vëmendshme dhe t’i përgjigjet bashkësisë ndërkombëtare për shtensionimin e situatës në veri, në mënyrë që të krijojë besueshmëri, ku kjo do të reflektojë te investitorët e huaj.
Sipas tij, asnjë investitor nuk dëshiron të investojë në një vend ku nuk ka siguri për kapitalin e tyre.
“Asnjë investitor nuk dëshiron të investojë në një vend ku nuk ka siguri për të investuar kapitalin e tij. Para se të shoh pjesën e taksave, infrastrukturën ligjore e atë teknike, është siguria, sepse është parakusht që një investitor i huaj të investojë në Kosovë. Në këtë drejtim, qeveria duhet t’i thërrasë mendjes që të ulet në tavolinën e bisedimeve dhe t’i krijojë raportet siç ka qenë me Bashkësinë dhe miqtë ndërkombëtarë, dhe t’i krijojë një lloj besueshmërie që ne sërish mund të kthehemi në tavolinë, dhe në një mënyrë kjo do të reflektojë tek investitorët e jashtëm. Sepse, me këtë lloj ngërçi politik në arenën ndërkombëtare, tani për tani Kosova më shumë e ka problemin me miqtë ndërkombëtarë sesa me vet Serbinë, kështu në këtë drejtim, qeveria duhet të reflektojë që të krijohet një parakusht që investitorët e huaj mos ta shohin Kosovën si një vend ku ka konflikt dhe krizë të sigurisë, por një vend ku mund të bëhet biznes”, thotë Kadriaj.
Edhe ish-kryetari i Odës Ekonomike të Kosovës (OEK), Safet Gerxhaliu vlerëson se stabiliteti politik është esencial për zhvillim ekonomik në vend, porse kjo sipas tij, është duke i munguar vendit.
Gërxhaliu thotë se brenga më e madhe është se situata në veri po e dëmton imazhin e Kosovës.
“Agjenda politike kohëve të fundit në Kosovë është duke e dëmtuar Kosovën në shumë aspekte. Në këtë drejtim aty ku dominon agjenda politike në këtë formë nuk ka hapësirë për zhvillim ekonomik. Andaj, brenga më e madhe është jo vetëm në procesin intern që po dëmtohen bizneset ekzistuese, por edhe po dëmton në imazhin e Kosovës. Askush nuk do të vijë të investojë në një vend ku nuk ka stabilitet politik, në një vend ku mbyllen kufijtë qoftë për lëndë të parë apo prodhime finale, e tëra kjo po e dëmton Kosovën çdo ditë e më tepër”, thotë Gerxhaliu.
Njohësi i ekonomisë, Nagip Skenderi, gjithashtu tërheq vëmendjen se situata politike e dëmton Kosovën në aspektin ekonomik, e rrjedhimisht ndikon në investimet e huaja.
“Nëse kështu vazhdon kjo situatë e pasigurisë, natyrisht se kjo çon në dëm të investimeve të huaja direkte për të ardhur të investojnë kapitalin e tyre në Kosovë. Kjo pashmangshëm çon në një katandisje ekonomike. Në këtë kontekst, çdo investitor i huaj, para se të investojë kapitalin në ndonjë vend të caktuar, ata fillimisht shohin sigurinë e kapitalit të tyre se sa është i sigurt, po ashtu edhe tregun”, thotë Skenderi.
Skenderi vlerëson se Kosova nuk ofron kushte të favorshme për tërheqjen e investitorëve të huaj.Kështu vendi vazhdon të çalojë në tërheqjen e investimeve të huaja direkte, pasi që viteve të fundit nuk solli asnjë investitor të madh strategjik.
Janë bërë më shumë se tri vjet që kur Kosova nuk ka ligj për investimet strategjike. Ndërkaq, Projektligji për investime të qëndrueshme i miratuar në muajin janar të këtij viti nga qeveria, ende nuk është shqyrtuar në parim në Kuvendin e Kosovës.
Kosova mbetet me trendin më negativ të investimeve të huaja krahasuar me shtetet e rajonit, si Serbia, Maqedonia Veriore dhe Shqipëria.
![](https://gazetainfokus.com/wp-content/uploads/2024/02/Foto-Kryesore.png)
Të tjera
-
Ajeti e takon Scholzin: Gjermania, një aleat historik dhe tradicional i Kosovës
Ambasadori i Gjermanisë në Kosovë, Faruk Ajeti, sot e ka takuar kancelarin gj...
-
Në ditët në vijim priten rrebeshe shiu në Kosovë, por jo dhe vërshime
Në ditët në vijim në Kosovë, priten reshje e shiu e rënie të temperaturave. ...
-
Gjendet pa shenja jete një grua në Fushë Kosovë
Një trup i pajetë është gjetur në rrugën “Hysen Xhakolli” në Fushë Kosovë. ...
-
Hoxhaj, Lavrovit: Propaganda ruse dhe serbe e ‘spạstrimit etnik’ të serbëve në Kosovë, përpjekje për destabilizim
Nënkryetari i Kuvendit nga radhët e PDK-së, Enver Hoxhaj, ka reaguar ndaj dek...
-
Lavrov: Po tentojnë që serbët t’i dëbojnë në heshtje nga Kosova
Ministri i Jashtëm rus, Sergei Lavrov, ka thënë se serbët e Kosovës janë duke...
-
Kurti: Trashëgimia e Rexhep Lucit mbetet e gjallë dhe duhet të vazhdojë përmes veprave tona
Kryeministri Albin Kurti, përmes një njoftimi ka bërë të ditur se e ka shikua...
-
Aksident në mes autobusit të “Trafikut Urban”, dhe një veture në Prishtinë (PAMJE)
Një aksident trafiku ka ndodhur para pak minutave në mes të autobusit të “Tra...
-
Arrestohet një serb për krimẹ lụftẹ në Istog
Policia e Kosovës ka arrestuar një serb për krime lufte kundër popullsisë civ...
-
“Ekrem Rrahmani, assesi nuk po mund të edukohet” reagon VV-ja në Podujevë pas përplasjes me Bulliqin
Lëvizja Vetëvendosje e Qendrës në Podujevë, ka reaguar pas përplasjes...
-
Lansohet projekti për sigurinë e fëmijëve në trafik
Në shkollën fillore ” Naim Frashëri” në Prishtinë, sot u bë lansimi i projekt...
-
Dogana sekuestron dy automjete luksoze, vlera e tyre marramendëse
Ditën e sotme, Njësitet Antikontrabandë të Doganës së Kosovës në rajonin e Pr...
-
Dështon vazhdimi i seancës në Kuvend, shkak mungesa e kuorumit
Kuvendi i Kosovës nuk ka pasë kuorum për të vazhduar pjesën e dytë të seancë ...