Rozë

Ashley Graham “Gruaja më seksi në botë”, për Maxim modelja plus size më provokuese se Margot Robbie, Ana de Armas dhe Cara Delevingne

Autori: Gazeta inFokus 10:54 | 25 Prill 2023

Ashley Graham, modelja 35-vjeçare dhe nënë e tre fëmijëve, është shpallur “gruaja më seksi në botë” nga revista Maxim. Modelja plus size zbukuron kopertinën e numrit ‘Hot 100’ të revistës me fotot e modeles oversize.

E veshur me të brendshme të dukshme dhe një mantel me pupla, ajo la pas emra të mëdhenj si Margot Robbie, Cara Delevingne dhe Ana De Armas.

Në intervistën që dha, ajo foli për trupin e saj në ndryshim dhe rëndësinë e “përqafimit të formave dhe madhësive të ndryshme të trupit” .

-Advertisement-

Ajo u tregua e sinqertë për strijat dhe lëkurën e saj të lirshme në Instagram pasi mirëpriti binjakët me bashkëshortin Justin Ervin në janar 2022.

Për këtë vit, Graham arriti të mposhtte pjesën tjetër të yjeve dhe të bëhej “mbretëresha e formave” nga revista, e cila e vlerësoi atë si një avokate të formave të bëshme, lëvizjes në favor të pranimit të diversitetit trupor.

Në fotot e “triumfit” të saj, modelja e famshme me forma të kolme pozon me të brendshme dhe kryesisht sutjena, por edhe me poza zbuluese.

Graham ndau gjithashtu se me të, trupi i saj është si i gjithë të tjerëve. “Gjithmonë po ndryshon dhe gjithmonë po evoluon”.

Kopertina e fundit e Graham për Maxim shënon një moment të rëndësishëm në karrierën e saj.

“Herën e parë që isha në kopertinën e Maxim nuk pata tre fëmijë dhe këtë herë kam tre foshnja të vogla”.

Graham ka një nga llogaritë më të njohura në Instagram të modelimit plus size në botë, me 20 milionë ndjekës në profilin e saj.

Shumica e postimeve të saj janë foto nudo apo zbuluese të saj, ku ajo tregon “të metat” e saj trupore dhe i vë në pah, duke i përcjellë mesazhet e saj audiencës.