Lajme

Arrihet marrëveshja, Sveçla: Policisë do t’i ofrohen me prioritet dhe pa pagesë shërbimet mjekësore të nivelit dytësor e tretësor

Autori: Gazeta inFokus 17:10 | 04 November 2023

“Shëndeti i zyrtarëve policorë është prioritet shtetëror”, ka thënë ministri i Punëve të Brendshme, Xhelal Sveçla, teksa ka njoftuar se sot është arritur marrëveshja ndërmjet Policisë së Kosovës dhe Shërbimit Spitalor Klinik Universitar të Kosovës që pjesëtarëve të Policisë së Kosovës t’iu ofrohet prioritet në shërbimet mjekësore dhe të lirohen nga pagesat.

Më tej ai ka se “Zyrtarët policorë duhet të jenë në shërbim dhe të gatshëm në përmbushjen e detyrave në çdo kohë”.

Sipas Sveçlës për t’u arritur kjo marrëveshje ka pasur një punë intensive.

-Advertisement-

“Trajtimi i tyre mjekësor me prioritet shkon në mbështetje të misionit të tyre. Pas një pune intensive sot u nënshkrua marrëveshja që siguron mbështetje të kualifikuar për kontrollet shëndetësore. Zyrtarët policorë dhe rekrutët do të trajtohen me prioritet përfshirë edhe në listat e pritjes në Shërbimin Spitalor Klinik Universitar të Kosovës pra dhe në të gjitha Spitalet Rajonale të Republikës së Kosovës”, ka shkruar Sveçla.

“Sot është nënshkruar marrëveshje bashkëpunimi mes Drejtorit të ShSKUK-së Elvir Azizi dhe Drejtorit të Përgjithshëm të Policisë Gazmend Hoxha, përmes së cilës personelit policorë dhe rekrutëve do të iu ofrohen me prioritet dhe pa pagesë shërbimet mjekësore, psikologjike dhe specialistike të nivelit dytësor dhe tretësor në ShSKUK dhe në të gjitha Spitalet Rajonale”, ka shtuar ai.

Ndërkohë i pari i punëve të brendshëm ka thënë se një fokus të veçantë e ka shëndetit të gruas në Policinë e Kosovës.

“Në këtë marrëveshje që ka në fokus dhënien e shërbimeve me prioritizim për personelin policorë i është dhënë rëndësi e veçantë dhe shëndetit të gruas në Policinë e Kosovës, përmes kryerjes së kontrolleve në zbulimin e hershëm të sëmundjeve si kanceri i gjirit dhe kanceri i qafës së mitrës, analizave specifike hormonale etj”.

“Zbatueshmëria e kësaj marrëveshje do të garantohet përmes zyrtarëve policor që do të vendosen si pika referuese për zyrtarët policor në ShSKUK dhe spitale rajonale”, ka theksuar ai.

Sevçla ka përfunduar duke e falënderuar ministrinë e Shëndetësisë dhe Shërbimin Spitalor Klinik Universitar të Kosovës për gatishmërinë në shërbim të të gjithë rekrutëve dhe zyrtarëve të Policisë së Kosovës.

Subscribe në YouTube: GAZETA INFOKUSI