Lajme

Arrestohet 25-vjecari në Rahovec, kishte urdhërarrest nga Gjykata

Autori: Gazeta inFokus 15:23 | 22 November 2022

Një person është arrestuar të martën në Rahovec, pasi që ndaj tij kishte urdhërarrest nga Gjykata, shkruan Gazeta Infokus.

Sipas policisë, 25-vjecari me inicialet A.M është arrestuar për veprën penale “Blerja, posedimi, shpërndarja dhe shitja e paautorizuar e narkotikëve“.

Ai ishte dënuar më burgim prej dy viteve dhe me gjobë 1000 euro.

-Advertisement-

Policia njofton se i arrestuari është dërguar në vuajtje të dënimit në qendrën e paraburgimit në Prishtinë.

“Stacioni Policor në Rahovec me datën 22.11.2022 pas mbledhjes së informatave inteligjente lidhur me vendndodhjen e personit A. M., i lindur në vitin 1997, është arritur të bëhet arrestimi i tij bazuar në Urdhërarrestin e lëshuar nga Gjykata për veprën penale “Blerja, posedimi, shpërndarja dhe shitja e paautorizuar e narkotikëve“ i dënuar me burgim në kohëzgjatje prej dy (2) viteve si dhe me dënim me gjobë 1000 €. I dënuari është dërguar në vuajtje të dënimit në qendrën e paraburgimit në Prishtinë.

Drejtoria Rajonale e Policisë në Gjakovë mbetet e përkushtuar në realizimin e detyrave dhe përgjegjësive të saj në interes të ruajtjes së rendit dhe sigurisë publike, parandalimit të rasteve kriminale dhe arrestimin dhe sjelljen para organeve të drejtësisë të personave të dyshuar”, thuhet në komunikatën e policisë./Gazeta Infokus/

Subscribe në YouTube: GAZETA INFOKUSI