Lajme

Arrestohen dhjetëra rusë shkaku që përkujtuan përvjetorin e pushtimit të Rusisë në Ukrainë

Autori: Gazeta inFokus 10:25 | 25 February 2023

Autoritetet ruse kanë qëndruar kryesisht të heshtura në përvjetorin e pushtimit – dhe përpjekjet për të përkujtuar këtë ditë janë anuluar shpejt.

Në Moskë, të paktën tre persona u arrestuan pasi vendosën lule në një monument të poetes së shquar ukrainase, Lesya Ukrainka, tha grupi i të drejtave të njeriut OVD-Info.

“Njëra prej tyre ishte duke vendosur lule te monumenti, por në të njëjtin moment ajo u arrestua nga forcat e sigurisë dhe u hoq buqeta”, thuhet në njoftim.

-Advertisement-

15 persona të tjerë u arrestuan teksa po vendosnin lule në një monument të shkrimtarit ukrainas, Taras Shevchenko në Shën Petersburg, shtoi ai.

Grupi njoftoi se më shumë se 4,300 protestues janë arrestuar gjatë vitit të kaluar në mbarë Rusinë, raporton skynews.

Moska ka futur ligje të ashpra për të kontrolluar informacionin rreth luftës, të cilën ajo e quan një “operacion special ushtarak”.

Ata që diskreditojnë ushtrinë ose kritikojnë luftën përballen me gjoba ose dënime me burg. /Telegrafi/

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme