Lajme

Arifi: Nuk kam pranuar t’ia puth dorën Kurtit

Autori: Gazeta inFokus 22:58 | 10 February 2023

Kryetari i Komunës së Preshevës, Shqiprim Arifi ka dorëzuar kallëzim penal në Prokurorinë Speciale në Prishtinë për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar.

Ai ka akuzuar kryeministrin Albin Kurti për qasjen e tij ndaj Luginës së Preshevës, duke e cilësuar “diktator” dhe një njeri që “s’ka ndjenja” për shqiptarët që jetojnë atje.

Në një intervistë që dha ditën e sotme për emisionin “Ballkan Update” me gazetaren Linda Karadaku, ai dha më tepër detaje për këtë çështje. Sipas tij, Kurti nuk ka asnjë interes për shqiptarët që jetojnë në Luginën e Preshevës por e ka përdorur çështjen e tyre vetëm për interesa të tij personale.

-Advertisement-

Ai hodhi akuza për shpërdorimin e një fondi prej 2 milionë eurosh. Kjo shumë, sipas tij, është dhënë nga qeveria e Kosovës gjatë kohës kur në krye të komunës së Preshevës ishte Ardita Sinani, e cila tanimë është këshilltare e Kurtit. Sipas tij, kjo shumë nuk u vu në dispozicion të qytetarëve por për persona të lidhur me VV.

“Në dhjetor 2021, qeveria e Kosovës ka aprovuar një ndihmë prej 2 milionë eurosh dhe ka paraparë mjete që të realizohen te qytetarët tanë. Në prill 2022, ish kryetarja e Komunës së Preshevës ka humbur shumicën dhe kur është që pushteti i ri, ka ndërruar mendim në drejtim të 2 milionë eurove dhe ka nënkuptuar se mjetet kanë qenë të rezervuara për zonjën Sinani.

Këto mjete nuk ka dashur Kurti që t’i realizojë përmes Komunës së Preshevës por përmes Këshillit Kombëtar që udhëhiqet nga partia e Atdhe Sinanit dhe kanë filluar të realizojnë në kohë fushate edhe të themelojnë shoqata të ndryshme. Në një farë forme, Kurti ka tentuar që të favorizojë të tjerët. Nuk jam i vetmi që ankohem për këtë qasje.

Të gjitha partitë e tjera janë të të njëjtit mendim si unë”, tha ai. “Kurti ka ambicie mbi territorin e Kosovës. E ka treguar këtë edhe në zgjedhjet e fundit në Shqipëri por edhe vite më herët. Kësaj radhe ka përzgjedhur partinë e Shaip Kamberit pasi unë nuk kam pranuar të jem doraputhës.

Krejt strategjinë e ka krijuar për të ndikuar në Luginën e Preshevës. Ka dashur të ushtrojë ndikim në Luginën e Preshevës dhe jo të ndihmojë shqiptarët e Luginës në programe të caktuara.”, shtoi më tej ai./abcnews.al

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme