Lajme

Ardhja e bashkatdhetarëve për festat e fundvitit, kolona te Dheu i Bardhë dhe në Merdar

Autori: Gazeta inFokus 10:04 | 24 December 2022

Ardhja e bashkatdhetarëve për fundvit në Kosovë, ka bërë që të krijohen kolona të gjata në disa pika kufitare.

Sipas Qendrës Kombëtare për Menaxhim Kufitar, te pika kufitare Dheu i Bardhë janë krijuar kolona për të hyrë në vend e cila është e gjatë nga 80-90 metra dhe pritja është 50-60 minuta, ndërsa në pikën kufitare Merdar kjo kolonë është deri në 40 metra dhe pritja është 15-20 minuta.

Edhe në pikën tjetër kufitare në Muçibabë pritjet për të hyrë në Kosovë janë nga 15-20 minuta në hyrje, shkruan Telegrafi.

-Advertisement-

Ndryshe, dy pikat kufitare Jarinje dhe Bërnjak aktualisht janë të mbyllura për kalim, kjo për shkak të situatës së krijuar në veri të Kosovës.