Derbi i madh italian, Inter – Milan zhvillohet nesër, në kuadër të xhiros së 23-të në Serie A, shkruan Gazeta inFokus.

Para kësaj përballje të rëndësishme ka folur trajneri ‘zikaltërve’, Antonio Conte.

Ai, në një konferencë të dhënë për media ka treguar se cili është plani i tij për të ndalur yllin, Zlatan Ibrahimovic.

“Si do ndalet Ibra? Kjo zgjidhet me punë nga skuadra, duke kërkuar të reduktojmë sa më shumë gabimet tona”, tha Conte”

“Jemi duke folur për një lojtar të fortë që ka bërë shumë për Milanin. Ka shënuar edhe ndaj nesh në ndeshjet e kaluara, por nuk është e thënë që do ta bëjë nesër”, ka deklaruar 51 vjeçari.

Dueli mes Interit dhe Milanit zhvillohet nesër në ora 15:00./Gazeta inFokus/