Lajme

Ambasadori suedez: Së shpejti do të ketë marrëveshje përfundimtare

Autori: Gazeta inFokus 11:11 | 20 January 2023

Ambasadori suedez në Kosovë Jonas Westerlund ka thënë në emisionin “Marrëveshje!?” të radios serbe “Radio Kim”, se dialogu ndërmjet Kosovës dhe Serbisë nën mbikëqyrjen e BE-së ka bërë një rrugë të gjatë dhe se pritet që së shpejti të arrihet një marrëveshje përfundimtare. Megjithatë, ai thekson se ka mungesë besimi mes liderëve të Kosovës dhe Serbisë.

Duke folur për dialogun ndërmjet Kosovës dhe Serbisë, Westerlund ka thënë se është optimist se zgjidhja do të arrihet shpejt dhe se në dekadën e fundit është arritur shumë, transmeton Paparaci.

“Duke e parë këtë nga një lloj perspektive dhjetëvjeçare, ne kemi bërë një rrugë të gjatë. Kemi 33 marrëveshje, kështu që duhet të jemi realisht në fund të këtij procesi. Kështu që, në këtë kuptim, jam optimist se zoti Lajçak dhe Escobar mund ta bëjnë atë. Por ajo që mungon këtu është besimi mes dy liderëve. Përvoja ime e mëparshme në shumë procese ndërmjetësimi më thotë se duhet të ketë besim mes liderëve. Ju duhet të uleni, jo vetëm për një ditë në Bruksel, por duhet të uleni për ditë e javë të tëra së bashku dhe të bisedoni vërtet për gjërat më të vështira”, ka thënë Westerlund.

-Advertisement-

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme