Lajme

Albin Kurti injoron vizitën e “vëllait të madh” nga Shqipëria

Autori: Gazeta inFokus 17:09 | 28 September 2021

Asnjë fjalë e vetme nuk është shkruar në llogarinë e kryeministrit të Kosovës, Albin Kurti në Facebook për vizitën e kryeministrit të Shqipërisë, Edi Rama në Kosovë.

Edhe pse ishin bashkë në disa aktivitete, Kurti nuk e pa të udhës të shkruante një postim për takimin e tij me Ramën.

Ndërkaq, “vëllai” i tij i madh, siç e quajti veten në konferencën për media Edi Rama, nga çdo takim ka publikuar video e fotografi në llogaritë e tij në rrjetet sociale.

Megjithëse në konferencën për media, Kurti dhe Rama u paraqitën se kanë marrëdhënie të mira me njeri tjetrit, kjo nuk është shfaqur edhe në llogarinë e kryeministrit të Kosovës./Gazeta Infokus/

Të tjera