Ndërmarrës vendorë e të huaj po del se janë lodhur me punën në Kosovë.

Kjo ka bërë që shumë prej tyre që nisën aktivitetet biznesore të zbrapsen, shkruan Gazeta inFokus

1657 është numri i bizneseve të shuara në Kosovë në vitin 2018.

-Advertisement-

Marsi ishte muaji më i keq për biznese, pasi atë muaj u shuan plot 183 biznese.

 

 

Muaj aspak më i mirë ishte edhe maji, ku u shuan 168 biznese.

Përveç shtatorit ku u shuan 82 ndërmarrje, në secilin muaj tjetër u shuan nga qindra të tilla.

Kjo bëri që në vitin 2018 të shuhen plot 68 biznese më shumë se në vitin 2017.

Në të dhënat e siguruara nga Gazeta inFokus në ministrinë e Tregtisë dhe Industrisë shihet se shumica e bizneseve të shuara ishin biznese të vogla, me nga një, dy e tre punëtorë.

Në mesin e ndërmarrjeve të shuara janë edhe 17 kompani të huaja që kanë operuar në Kosovë.

 

 

Njëra prej tyre është një kompani nga Danimarka e cila numëronte 57 punëtorë.

Sipas të dhënave nga MTI, kjo kompani merrej me aktivitetet e inxhinierisë dhe këshillimit teknik.

Një kompani e huaj e cila numëronte numër më të madh të punëtorëve, ishte edhe një tjetër nga Austria.

Kjo kompani austriake e cila merrej me ndërtimin e objekteve banesore dhe jo banesore i kishte 50 të punësuar.

Një fakt interesant nga bizneset e shuara është se 1592 biznese nga gjithsej 1657 sa u shuan vitin që shkoi i kishin nga vetëm një punëtorë.

268 të tjera funksiononin me nga vetëm dy punëtorë, e 70 të tjera me 3.

Prishtina ishte qyteti me numrin më të madh të bizneseve të cilat iu vë dryni në vitin 2018.

Vetëm në kryeqytet u shuan 264, shkruan Gazeta inFokus.

Qyteti i dytë me numrin më të madh të kompanive të shuara, është Prizreni me 179 biznese.

Prej qyteteve të mëdha, është edhe Gjakova të cilës iu mbyllën shumë biznese, 131 të tilla.

Pas Gjakovës vjen Ferizaji me 116 biznese të shuara, Mitrovica me 105, Gjilani me 70 dhe Peja me 57 biznese të mbyllura. /Gazeta inFokus

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-