Lajme

Akuza nga LDK-ja në adresë të ministres Hykmete Bajrami: Dëmtoj bizneset dhe LDK-në

Autori: Gazeta inFokus 16:01 | 12 May 2017

Fadil Berjani, i cili drejton Shoqatën e Naftëtarëve të Kosovës, dhe është anëtar i Lidhjes Demokratike të Kosovës ka akuzuar rëndë ministren e Tregtisë dhe Industrisë, Hykmete Bajramin se prej kur e ka marrë drejtimin e kësaj ministrie vetëm i ka shkaktuar dëme bizneseve në Kosovë, shkruan portali www.infokusi.com.

Konkretisht këto akuza Berjani i ka adresuar për bizneset që merrën me sektorin e naftës e që sipas tij janë biznese që janë dëmtuar për shkak të ligjit.

Sipas Fadil Berjanit, ministrja e Tregtisë dhe Industrisë jo vetëm qe i ka dëmtuar bizneset por e ka dëmtuar edhe partinë e tyre, LDK-në.

Ministrja e LDK-së, Hykmete Bajrami kohëve të fundit, edhe para rrëzimit të qeverisë të udhëhequr nga shefi i saj, Isa Mustafa ka lëvduar punën e saj dhe ka folur për zhvillime të shumta pozitive që kanë ndodhur prej kur ata kanë marrë pushtetin dhe ajo është ministre e tregtisë.

Sot në Gjilan të Ferizi petroll me mikun tim Enver Ahmeti dhe Ekrem Behluli duke biseduar ku mbeti ligji i naftës, Hykmete Bajrami dëmtoj bizneset dhe LDK-në, siç duket ma problem është ligji i naftës se Demarkacioni??”, ka shkruar fillimisht në profilin e tij në FB, Fadil Berjani.

Statusi i parë i Berjanit:

Por me pas e ka edituar këtë status duke e hequr vetëm emrin e ministres Hykmete Bajrami dhe akuzat qe I bëri në adresë të saj.

“Sot ne Gjilan te Ferizi petroll me mikun tim Enver Ahmeti dhe Ekrem Behluli duke biseduar ku mbet ligji i naftës, siç duket ma problem është ligji i naftës se Demarkacioni ??”, shkruan në statusin e edituar nga Berjani.

Statusi i edituar i Berjanit:

Kryetari i Shoqatës së Naftëtarëve, Fadil Berjani, vazhdimisht ka thënë se në Kosovë sfidë mbetet moskontrollimi i cilësisë së naftës pasi, sipas tij, as dy për qind e saj nuk është kontrolluar. /INFOKUSI

Etiketa:
Formula 1 vjen në Artmotion më “i çmendur” se kurrë

Të tjera

Fokusi

lajme