Lajme

Aktivistët serbë në Veri “zbulojnë” ndërtesën 2 milionëshe të Goran Rakiq, i drejtohen antikorrupsionit

Autori: Gazeta inFokus 12:18 | 31 October 2022

Aleksandar Arsenijeviq, lideri i iniciativës qytetare “Mbijetesa serbe” dhe Stefan Veljkoviq nga iniciativa me të njëjtin emër, kanë vizituar një parcelë prej 9,5 ari ku po ndërtohet një ndërtesë, për të cilën thonë se është e kryetarit të Listës Serbe, Goran Rakiq.

Arsenijeviq tha se në atë parcelë po ndërtohet një ndërtesë, e cila aktualisht ka shtatë kate dhe e cila, sipas tyre, ka tendencë të rritet dhe eventualisht mund të vlejë mbi dy milionë euro.

“Pyetjen ia kemi bërë edhe zotit Buleshkaj, drejtorit të Agjencisë Kundër Korrupsionit. Të gjithëve ua bëjmë pyetjen: kush e mbron ministrin Rakiq dhe nga kanë ardhur këto para për ndërtimin e objekteve të tilla? Nga paga apo diçka tjetër, le ta hetojnë organet kompetente”, thotë Arsenijeviq.

-Advertisement-

Nova.rs ka tentuar të kontaktojë me Goran Rakiqin, por ai nuk i është përgjigjur thirrjeve të mediumit serb.

Muajin janar Agjencia Kosovare për Luftimin e Korrupsionit ka iniciuar një procedurë hetimi lidhur me deklarimin e rremë të pasurisë së Goran Rakiqit.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme