Lajme

Aksidenti me fatalitet në Kamenicë: Edhe një foshnje në mesin e të lënduarve, dërgohet në QKUK në gjendje të rëndë

Autori: Gazeta inFokus 14:58 | 24 February 2023

Një aksident i rëndë trafiku ka ndodhur sot rreth orës 10:43 në fshatin Hodonovc të Kamenicë. Nga ky aksident një person ka humbur jetën dhe tre të tjerë janë lënduar.

Në mesin e të lënduarve është edhe një foshnje rreth një vjeç. Kështu ka bërë të ditur për Gazetën Insajderi, drejtori i Spitalit Rajonal të Gjilanit, Arsim Emini.

Ai i tha Gazetës se gjendja e foshnjës është e rëndë dhe e intubuar është dërguar për në QKUK.

-Advertisement-

“Po, në mesin e të lënduarve është edhe një foshnje rreth një vjeç, gjendja e së cilës është e rëndë. E kemi intubuar dhe e kemi nisur për në QKUK për shkak të gjendjes së rëndë dhe trajtimit më të sigurt atje. Ajo është nisur për në QKUK së bashku me nënë e saj”, tha Emini për Insajderin.

Nga ky aksident një 33 vjeçar ka humbur jetën në vendin e ngjarjes.

Lajmin për Insajderin e ka konfirmuar zëdhënësi për rajonin e Gjilanit, Shaban Azizi.

“Është një person i vdekur dhe tre të lënduar”, tha ai.

Subscribe në YouTube: GAZETA INFOKUSI