Lajme

Aksident mes tri veturave në Duhël, vdes njëri nga shoferët

Autori: Gazeta inFokus 08:57 | 16 April 2022

Një person ka humbur jetën si pasojë e një aksidenti mes tri veturave që ndodhi mbrëmjen e premtes në Duhël të Suharekës, shkruan Gazeta Infokus.

Vdekjen e viktimës e ka konstatuar ekipi mjekësor.

Policia ka njoftuar se edhe dy shoferët tjerë kanë marrë lëndime, ku njëri është duke u trajtuar në repartin kirurgjik, i cili me vendim të prokurorit dërgohet në mbajtje.

-Advertisement-

Gjithashtu është bërë e ditur se trupi i pajetë i viktimës do të dërgohet në Institutin e Mjekësisë Ligjore për obduksion.

“Përveç dëmeve materiale, lëndime vdekje-prurëse ka pësuar njëri nga drejtuesit, vdekjen e të cilit e ka konstatuar ekipi mjekësor, ndërsa dy të tjerët kanë pësuar lëndime trupore ku njëri nga të dy është duke u trajtuar në repartin kirurgjik i cili me venim të prokurorit dërgohet në mbajtje ndërsa trupi i pajetë i viktimës është dërguar në IML për obduksion“, thuhet në raportin e policisë./Gazeta Infokus/

Subscribe në YouTube: GAZETA INFOKUSI